O93, f. 116rb; V630, f. 204vb; N442, f. 108rb; P9629, f. 78va; W411, f. 209v; V1341, f. 125rb

ITEM¹ EIUSDEM² PAPAE³ SIRICII⁴ PER DIVERSOS⁵ EPISCOPOS DIRECTA⁶.

I Ut indignus nullus efficiatur⁷ episcopus.

II Ut ignotis sacerdotium non detur.

III Ut neofiti⁸ vel⁹ laici¹⁰ sacerdotes non fiant.

Siricius papa orthodoxis¹¹ episcopis¹² per diversas provincias¹³.

Cogitantibus nobis metum divini iudicii, fratres karissimi, et post vitam hanc unumquemque, prout gesserit¹⁴, recepturum, quid veniat in querelam tacere non licuit, sed nobis¹⁵ loqui necessitas imperavit dicente propheta: Exalta ut tuba vocem tuam. Et cui omnium ecclesiarum cura est, si¹⁶ dissimulem, audiam domino dicente: Reiecistis¹⁷ mandatum dei¹⁸, ut traditiones vestras statuatis. Quid enim¹⁹ reicere²⁰ mandatum dei quam privato²¹ consilio²² et humano iudicio novis rebus constituendis liberius delectari.

Perlatum²³ itaque²⁴ est²⁵ ad conscientiam apostolicae sedis contra ecclesiasticum canonem praesumi et²⁶, quae ita sunt a maioribus ordinata, ut ne vel levi susurro debeant violari, proprias quasdam²⁷ novas observationes inducere et praetermisso fundamento supra²⁸ arenam constituere velle dicente domino: Non transferes²⁹ terminos, quos constituerunt³⁰ patres tui. Quod et sanctus quoque apostolus novi et veteris³¹ testamenti praedicator monet, in quo locutus est Christus: <O93, f. 116va> State, inquit, et tenete traditiones vestras, quas didicistis, <V1341, f. 125va> sive per verbum sive per epistolam. Qua de re videt vestra sinceritas in sacris mysteriis aut in ordinationibus vestris, quantum³² sacerdotum magna cura et³³ diligens³⁴ sollicitudo³⁵ debet³⁶ observare³⁷. Denique ad Timotheum <V630, f. 205ra> loquitur: Manus cito <N442, f. 108va> nemini imposueris neque communicaveris peccatis alienis. Quod propterea³⁸ memoratur, ut³⁹ examine⁴⁰ habito et probitate⁴¹ morum <P9629, f. 78vb> et ecclesiastico labore sit commendatior⁴², qui vocatur in medium, ut summum sacerdotium possit accipere probatus iudicio, non favore, susceptus veritate, non gratia, apostolico⁴³ ordine fructus⁴⁴, non⁴⁵ praecipiti⁴⁶ voluntate. De quo, karissimi, mihi ante⁴⁷ vestram sinceritatem huiusmodi litterae cucurrerunt multo fratrum et consacerdotum consensu, ut hac vestra subscriptione firmati⁴⁸ ecclesiastici canonis dispositio, quae apud Niceam tractata⁴⁹ est, confirmata suo merito fundatissima permaneret, ut⁵⁰ tales videlicet ad ecclesiasticum ordinem permitterentur accedere, quales⁵¹ apostolica auctoritas iubet, non quales dico vel⁵² eos, qui cingulo militiae saecularis⁵³ adstricti⁵⁴ olim gloriati, qui postea<W411, f. 210r>quam pompa saeculari exultaverunt aut negotiis⁵⁵ rei publicae optaverunt militare aut curam⁵⁶ mundi tractare adhibita sibi quorundam manu et proximorum favore stipati, hi frequenter ingeruntur auribus meis, ut episcopi esse⁵⁷ possint, qui per traditionem et evangelicam disciplinam esse non possunt⁵⁸. Quantis hoc aliquotiens certatum⁵⁹ viribus, sed nihil tale potuit elegi, quae ratio non compellit, etiam⁶⁰ de longinquo veniant ordinandi, ut digni possint et plebis et nostro iudicio comprobari.

UT⁶¹ IGNOTIS SACERDOTIUM NON DETUR.

II⁶² Quantum illicitum⁶³ sit⁶⁴, aestimari non potest, ut⁶⁵ transeuntes⁶⁶ sive simulent sive⁶⁷ sint monachi, quod⁶⁸ se appellant, quorum nec vitam possumus scire nec baptismum, quorum fidem incognitam habemus⁶⁹ nec <N442, f. 108vb> probatam, nolint⁷⁰ sumptibus adiuvare, sed statim aut diacones⁷¹ facere aut presbyteros ordinare festinent⁷² aut, quod est gravius⁷³, episcopos constituere non⁷⁴ formidant. Carius⁷⁵ apud illos dari sumptum est transeunti, quam sacerdotium non⁷⁶ retenti⁷⁷. Inde in superbiam exaltantur, inde insuper ad perfidiam cito corruunt⁷⁸, quia⁷⁹ fidem veram in ecclesiasticis toto orbe pere<P9629, f. 79ra>grini <V1341, f. 125vb> discere⁸⁰ non asseruntur⁸¹.

UT⁸² NEOFITI VEL⁸³ LAICI⁸⁴ SACERDOTES NON FIANT.

III Certe etiam illud non fuit praetermittendum, ut, quod semel aut secundo necessitas hereticorum intulit contra apostolica praecepta velut⁸⁵ lege licitum cepisse praesumi neofitum⁸⁶ sive⁸⁷ laicum, qui nullo ecclesiastico functus fuerit officio, inconsiderate vel presbyterum vel diaconum ordinare⁸⁸, quasi meliores apostolis sint, quorum audeant⁸⁹ mutare praeceptum, et^{90 91} qui non didicit, iam docere compellitur. Ita nullus <V630, f. 205rb> repperitur idoneus clericorum, nec⁹² inter diaconos nec inter alios clericos invenitur, qui sacerdotio dignus habeatur, sed ad condemnationem ecclesiae laicus postulatur⁹³, quod⁹⁴, ne fiat⁹⁵ ultra, admoneo, praedico, ut unam fidem habentes, unum⁹⁶ etiam in traditione sentire⁹⁷ debeamus probantes nos⁹⁸ unianimes⁹⁹ atque concordes¹⁰⁰ pacifici Christo¹⁰¹ et in observationibus apostolicis habere caritatem. Medio itaque patre et unigenito filio eius et spiritu¹⁰² sancto et unius divinitatis¹⁰³ trinitate convenio, ut in his fides catholica et disciplina nostra permaneat. Nec¹⁰⁴ quisquam putet¹⁰⁵ tamquam¹⁰⁶ ordinationes terrenas fieri, cum caeleste sit¹⁰⁷ sacerdotium, ut¹⁰⁸ fidelibus gloria maneat dignitatis¹⁰⁹ eiusdem¹¹⁰ et ante tribunal Christi <N442, f. 109ra> exhinc non habeat, quod accuset.

O93, f. 116va; V630, f. 205rb; N442, f. 109ra; P9629, f. 79ra; W411, f. 210r; V1341, f. 125vb