O93,
f. 144ra; V630, f. 232va; N442, f. 147rb; P9629, f. 124rb; W411, f.
241r; V1341, f. 145ra
LXXVI
ITEM
LEONIS
AD PULCHERIAM
AUGUSTAM
PRO HIS, QUAE SUPERIUS A
THEODOSIO
AUGUSTO POSTULAVIT.
Leo
episcopus Pulcheriae
augustae.
Gaudeo
fidei clementiae vestrae, quod religiosum studium dignanter impenditis,
ut pax ecclesiastica renovetur, quae
quorundam dissensionibus videtur
esse turbata. Debetur enim hoc vestrae specialiter gloriae, ut ablatis
omnibus scandalis, quae <V1341, f. 145rb> contra
catholicam fidem
inimicus exstruxerat,
una
eademque
sit per totum mundum
<N442, f. 442, f. 147va> confessio veritatis, quae
facilius
certiusque reparabitur, si pravorum sensuum nulla semina, nulla
vestigia relinquantur.
Quod
tamen mearum
partium
est, praeterire non
debeo,
ut scilicet, quod
de incarnatione filii dei a Constantinopolitano episcopo teneatur,
agnoscam, praesertim
cum in ordinatione
ipsius plura
praecesserunt,
taliaque ad nos debuerit scripta dirigere, quae illum
a contagione huius, qui nuper
emersit, erroris alienum evidenter ostenderent. Opto
itaque securam cum eo habere concordiam <W411, f. 241v>
gratiamque illi fraternae caritatis
impendere, scribere ei interim distuli non dilectionem negans,
sed manifestationem catholicae veritatis exspectans. Simplex enim est
absolutumque, quod posco, ut remoto longarum dispositione
labore, sanctae memoriae Cyrilli Alexandrinae
ecclesiae episcopi epistolae, quam ipse
ad Nestorium <P9629, f. 124va> miserat, acquiescat, in
qua et
errorem Nestorii arguit <V630, f. 232vb> et fidem Nicenae
definitionis exposuit, vel epistolae ei
,
quae ad
sanctae recordationis Flavianum episcopum est directa, consentiat.
Quibus diligenter
inspectis
Constantinopolitanus
antistes repudianda
sibi, quae ausa est contra puram et
in
singularem fidem
imperita
insipientia definire,
incunctanter agnoscat, quia et mea et sanctorum patrum de incarnatione
domini concors per omnia et una confessio est. Quam si quis
existimaverit
non sequendam, ipse se
a
compage catholicae
unitatis abscidit, cum tamen nos, ut in integrum omnia revocentur,
optemus. Ad effectum
vero salubrium
dispositionum velocius obtinendum fratres et coepiscopos meos Sabundium
et Asterium, sed
et Basilium
et Sanatorem
presbyteros
probatissimos viros misi, qui
clementiae vestrae formam fidei, quam secundum
doctrinam venerabilium patrum praedicamus, offerrent et remotis
circumlocutionibus, quibus obscurari veritas solet, quid
de incarnatione filii dei
a
totius orbis probatis
sacerdotibus defensum fuisset,
ostenderent.
Quos post divinam
gratiam sancto vestrae pietatis auxilio dignum est adiuvari,
<O93,
f. 144rb> ne
in totius ecclesiae
perturbationem imprudens procedat
intentio,
cum correctione
adhibita
omnes oporteat in
unius confessionis redire concordiam, a
qua, si
forsitan ab aliquibus
discrepatur, universale concilium sacerdotum haberi intra Italiam
clementia
vestra annitente
iubeatur, quo remota
arte fallendi tandem
pateat, quid
altiore tractatu aut
<V1341, f. 145va> coerceri
debeat aut sanari.
Dat.
XIII Kal. Aug. Valentiniano
augusto VI et Abino
vv. cc. conss. aera
qua
supra.
O93,
f. 144rb; V630, f. 232vb; N442, f. 147va; P9629, f. 124va; W411, f.
241v; V1341, f. 145va