O93, f. 143vb; V630, f. 232ra; N442, f. 147ra; P9629, f. 123vb; W411, f. 240r; V1341, f. 144va

LXXV¹ ITEM² LEONIS PAPAE AD THEODOSIUM³ AUGUSTUM, UBI SCRIBIT, UT ID, QUOD DE INCARNATIONE FILII⁴ DEI AB ANATOLIO CONSTANTINOPOLITANO EPISCOPO PRAEDICATUR, AGNOSCAT ET UNIVERSALE CONCILIUM IN ITALIA FIAT.

<V1341, f. 144vb> Leo episcopus Theodosio⁵ augusto.

<W411, f. 240v> Omnibus quidem vestrae pietatis epistolis inter⁶ eas sollicitudines, quas pro fide patimur, spem⁷ securitatis nobis maximam praestitistis⁸ Nicenum commendando⁹ concilium, adeo ut ab illo, sicut saepe¹⁰ iam scribitis¹¹, non patiamini sacerdotes domini deviare. Deinde¹² aliquid in praeiudicium¹³ catholicae defensio<V630, f. 232vb>nis viderer¹⁴ egisse de ordinatione eius, qui Constantinopolitanae coepit ecclesiae praesidere, nihil interim in alterutram¹⁵ partem tibi¹⁶ scribendum¹⁷ putavi, non dilectionem negans, sed manifestationem catholicae veritatis exspectans. Quod¹⁸ aequanimiter¹⁹ ferat, obsecro, vestra²⁰ clementia, ut, cum talem²¹ se erga fidem catholicam, qualem cupimus, approbarit²², de sinceritate ipsius copiosius et securius²³ gaudeamus. Ne vero²⁴ aliqua illum de nostro animo mordeat sinistra suspicio²⁵, occasionem²⁶ totius difficultatis amoveo nec²⁷ aliquid exigo, quod aut arduum videatur aut dubium, sed ad id, quod nullus catholicorum refutet²⁸, invito. Noti²⁹ enim³⁰ sunt per universum mundum atque manifesti, qui ante nos sive Graeca sive Latina lingua in catholicae³¹ veritatis praedicatione fulserunt, ad quorum scientiam atque doctrinam quidam etiam nostrae aetatis accedunt, de quorum scriptis par et multiplex profertur instructio, quae, sicut Nestorianam³² heresim destruxit, ita etiam hunc, qui nunc³³ repullulat abscidit errorem³⁴. Relegat³⁵ itaque³⁶ sollicite, quae a³⁷ sanctis patribus incarnationis dominicae fides³⁸ fuerit custodita semperque similiter praedicata et³⁹, cum sanctae memoriae Cyrilli Alexandrini⁴⁰ episcopi epistolam, qua⁴¹ Nestorium corrigere et sanare voluit⁴², pravas praedicationes⁴³ ipsius arguens⁴⁴ et evidentius fidem Nicenae⁴⁵ definitionis exponens, quamque ab eo missam apostolicae sedis⁴⁶ scrinia susceperunt, praecedentium⁴⁷ sensui prospexerit⁴⁸ consonantem. Ephesinae⁴⁹ etiam synodi gesta recenseat, quibus contra Nestorii^{50 51} impietatem⁵² a sanctae⁵³ memoriae Cyrillo inserta et alligata⁵⁴ sunt de incarnatio<P9629, f. 124ra>ne domini catholicorum⁵⁵ testimonia sacerdotum. Non aspernetur etiam meam epistolam recensere⁵⁶, quam pietati patrum per omnia concordari⁵⁷ repperiet. Cumque a⁵⁸ se hoc, quod⁵⁹ eidem⁶⁰ profuturum sit ex<N442, f. 147rb>peti desiderarique cognoverit, catholicorum⁶¹ sententiis toto corde consentiat, ita ut sinceram communis fidei professionem absolutissima⁶² subscriptione coram omni clero et universa plebe declaret⁶³ et⁶⁴ apostolicae sedi⁶⁵ et universis domini sacerdotibus atque ecclesiis publicandam, ut pacificato per unam fidem mundo possumus⁶⁶ omnes dicere, quod angeli nato⁶⁷ de Maria virgine salvatore cecinerunt: Gloria <V1341, f. 145ra> in excelsis deo et in terra pax hominibus bonae voluntatis⁶⁸. Quia vero et nos⁶⁹ et beati patres nostri, quorum doctrinam et veneramur et sequimur, in unius fidei concordia sumus, sicut provinciarum omnium protestantur antistites, agat clementiae vestrae devotissima fides, ut, quam primum ad nos⁷⁰ Constan<W411, f. 241r>tinopolitani⁷¹ episcopi, qualia debent⁷², probati et catholici sacerdotis⁷³ scripta perveniant aperte scilicet atque lucide⁷⁴ protestantis⁷⁵, quod, si quis de incarnatione⁷⁶ verbi dei aliud⁷⁷ aliquid⁷⁸ credat aut asserat⁷⁹ quam catholicorum⁸⁰ omnium et mea professio pro<V630, f. 232va>testatur, hunc⁸¹ sua⁸² communione secernat, ut ei⁸³ fraternam in Christo caritatem merito possimus⁸⁴ intendere⁸⁵. Ut autem salubribus⁸⁶ curis⁸⁷ velocior pleniorque auxiliante domino <O93, f. 144ra> per⁸⁸ vestrae⁸⁹ clementiae fidem praestetur effectus, ad pietatem vestram fratres et coepiscopos⁹⁰ meos Sabundium⁹¹ et Asterium⁹², sed et Basilium et Sanatorem⁹³ presbyteros, quorum mihi devotio est⁹⁴ probata, direxi, per quos, quae nostrae forma⁹⁵ sit fidei, manifestatis instructionibus, quas misimus, possitis⁹⁶ dignanter agnoscere, ut, si Constantinopolitanus antistes⁹⁷ in eandem confessionem toto corde consentit, securi, ut dignum est, de ecclesiastica pace laetemur, neque aliquid residere⁹⁸ videatur ambiguum, ut de superfluis forsitan suspicionibus laboremus. Sin vero aliqui a puritate nostrae fidei atque patrum auctoritate dissentiunt, concilium universale⁹⁹ intra Italiam, sicut synodus¹⁰⁰, quae ob hanc causam Roma¹⁰¹ convenerat, mecum petit, clementia vestra concedat, <P9629, f. 124rb> ut in unum convenientibus¹⁰² his, qui aut ignorantia aut errore¹⁰³ prolapsi sunt, correctionis¹⁰⁴ remediis consulatur¹⁰⁵, ne¹⁰⁶ cuiquam ultra sit liberum, ita Nicenae synodi facere mentionem, ut eius fidei inveniatur esse contrarius, quoniam universae ecclesiae et¹⁰⁷ vestro¹⁰⁸ imperio profuturum est, si unus deus¹⁰⁹, una fides, unum sacramentum salutis humanae, una totius mundi confessione teneatur.

Data XVII¹¹⁰ Kal. August. Valentiniano¹¹¹ vv. cc. conss. aera qua¹¹² supra¹¹³.

O93, f. 144ra; V630, f. 232va; N442, f. 247rb; P9629, f. 124rb; W411, f. 241r; V1341, f. 145ra