O93,
f. 143va; V630, f. 232ra; N442, f. 146vb; P9629, f. 123va; W411, f.
240r; V1341, f. 144rb
LXXIIII
ITEM
LEONIS EXORTATORIA AD
MARTIANUM
ET FAUSTUM PRESBYTEROS
DE DAMNATIONE <V1341, f. 144va> EPHESINI
CONCILII
SECUNDI.
Leo
episcopus Martiano
et Fausto presbyteris.
Bonorum
operum et spiritalium studiorum deum auctorem
esse non dubium est, qui eorum incitat
mentes, adiuvat
actiones. Quod nobis
praesenti experimento evidenter apparuit, si quidem inter discretarum
spatia
longinqua regionum
unum sumpserunt
corda nostra
consilium, ut, quod a nobis desiderabatis,
eo vobis tempore, quo
epistolae vestrae
emittebantur,
occurrerit. Si tamen dilectioni vestrae tradi scripta
nostra
potuerunt, quae non
solum apostolicae sedis auctoritate, sed etiam sanctae synodi, quae
ad
nos frequens
convenerat, unanimitate
directa sunt, ut in his, quantam
curam totius ecclesiae habeamus, appareat hortando scilicet omnium
fidelium mentes et clementissimorum principum praesidia ad defensionem
fidei postulando, quorum utpote
catholicos animos non diffidimus opem atque auctoritatem suam
iustis
petitionibus
praestituros, quo citius auxiliante domino perniciosa heresis et dudum
sanctorum patrum
auctoritate damnata,
quae nuper Ephesi male adiuta est, auferatur. Interim
vero det operam, quantum fieri potest, vestra dilectio, ut omnibus
ecclesiae filiis innotescat, quid contra impium sensum secundum
doctrinam evangelicam
et apostolicam praedicemus. Quia licet plene, quae
semper fuisset atque esset
catholicorum sententia
scripserimus, tamen nunc quoque ad confirmandas
omnium mentes <N442, f. 147ra> non parum exhortationis
addimus.
Memor enim sum
me sub illius nomine
ecclesiae praesidere, cuius a domino Iesu Christo est glorificata
confessio, et cuius fides
omnes quidem hereses destruit, sed maxime impietatem praesentis erroris
expugnat, et intellego mihi aliter
non licere, quam ut omnes conatus
meos ei
causae, in qua
univer<O93, f. 143vb>salis ecclesiae salus infestatur,
impendam. Ne autem
aliqua neglegentiae
occasione scripta nostra ad vos non potuerint
pervenire, exemplaria eorundem nunc mittenda credimus, ut nullo modo
fidei, quam defendimus, praedicatio vestrae notitiae
subtrahatur.
Data
XVI Kal. April. Valentiniano augusto VII et Avieno <P9629, f.
123vb> vv. cc. conss. aera qua
supra.
O93,
f. 143vb; V630, f. 232ra; N442, f. 147ra; P9629, f. 123vb; W411, f.
240r; V1341, f. 144va