Die Auflösung der Handschriftensiglen und Hinweise zur Edition finden Sie hier.

Papst Leo I. an die Bischöfe Kampaniens, Tusziens et Piceniens

P9629, f. 140va; V630, f. 251vb; N442, f. 173rb; V1341, f. 171ra

XCVIII¹ EIUSDEM² LEONIS³ AD⁴ EPISCOPOS PER CAMPANIAM⁵.

I⁶ Ut non⁷ omni tempore baptismi regeneratio detur, sed tantum pascha et pentecosten, nisi⁸ si⁹ periculosa infirmitas oppresserit.

II¹⁰ De poenitentia fidelium, ut confessio eorum non publicetur.

I¹¹ Leo¹² universis episcopis per Campaniam¹³ et¹⁴ Picenum¹⁵ salutem.

Magna indignatione commoveor et multo dolore contristor, quod quosdam ex vobis comperi ita esse apostolicae traditionis oblitos et studio sui erroris intentos, ut praeter paschalem festivitatem, cui sola pentecosten¹⁶ solemnitas comparatur, audeant sibi¹⁷ et non aliqua humanae infirmitatis necessitate cogente, sed sola indisciplinati arbitrii libertate usum baptismatis vindicare et in natalibus martyrum¹⁸, quorum finis aliter¹⁹ honorandus²⁰ est quam dies dominicae passionis, eo die regenerationis celebrare mysteria ac sine ullis spiritalium praeparationum eruditionibus, ita rudibus et imperitis tradere <V630, f. 252ra> sacramentum, ut circa renovandos nihil doctrinae ecclesiasticae, <N442, f. 173va> nihil in exorcismis impositionum, nihil ipsa ieiunia, quibus vetus homo destruitur²¹, operentur, neque in tot ministeriis²² salutis humanae ulla eius dies habeatur excepto, quia in ipso donum est conditum renascendi. Admonemus²³ igitur et non sine periculo status eorum, qui hoc faciunt, protestamur, ut ab hac praesumptione cessetur et summam hanc potentissimamque²⁴ dei gratiam non nisi in paschali et pentecosten die desiderantibus et credentibus conferatis manente quolibet²⁵ tempore gravioris necessitatis ac periculorum consideratione, secundum quam oporteat subvenire, ne condicione mortali coartata infirmitas necessaria liberatione fraudetur conservata, sicut praelocuti sumus, duarum tantummodo festivitatum reverentia propter multa pericula sit cavendum, ne cuiquam aut in²⁶ desperata²⁷ aegritudine²⁸ aut in hostilitatis incursu aut in timore naufragii per sacerdotem domini regeneratio denegetur. Si quis vero post hoc interdictum in eadem fuerit usurpatione detectus, dignam per<P9629, f. 140vb>tinaciae suae incidet ultionem, quoniam ostendit²⁹ se turpe potius lucrum quam religionis cultum esse testatum. Illam etiam contra apostolicam regulam praesumptionem, quam nunc per ignaviam a quibusdam illicita usurpatione videmus committi, modis omnibus constituimus submoveri.

II <V1341, f. 171rb> De poenitentia scilicet quae ita a fidelibus postulatur³⁰, ne de singulorum peccatorum genere libellis³¹ scripta professio publice recitetur³², conscientiarum sufficiat solis sacerdotibus indicari confessionum secreta. Quamvis enim plenitudo fidei videatur esse laudabilis, quae propter dei timorem apud omnes erubescere non veretur, tamen quia non omnium huiusmodi sunt peccata, ut ea, qui poenitentiam poscunt³³, non timeant publicare, removeatur tamen improbabilis consuetudo, ne multi a poenitentiae remediis arceantur, dum aut³⁴ erubescunt aut metuunt inimicis suis sua facta reserare³⁵, quibus possint³⁶ legum constitutione percelli. Sufficit enim illa confessio, quae primum deo offertur, tunc etiam sacerdoti, qui pro delictis poenitentium precator³⁷ accedit³⁸. Tunc enim plures ad poenitentiam poterint³⁹ provocari, si populi auribus non publicetur conscientia confitentis.

Datum pridie⁴⁰ nonas Mart. Recimero^{41 42} consule⁴³.

P9629, f. 140vb; V630, f. 252ra; N442, f. 173va; V1341, f. 171rb

© 2005 Karl-Georg Schon
Dieser Text ist urheberrechtlich geschützt. Er steht unter der GNU Free Documentation License.
Demnach dürfen Sie ihn frei weiter verbreiten und bearbeiten, vorausgesetzt Sie nennen den Namen des ursprünglichen Autors und Sie geben auch anderen das Recht den von Ihnen bearbeiteten oder verbreiteten Text unter den gleichen Bedingungen weiter zu verbreiten. Im einzelnen finden Sie Bestimmungen der GNU Free Documentation License unter dem Menüpunkt Lizenz.

Zuletzt geändert am 18.6.2005