Die Auflösung der Handschriftensiglen und Hinweise zur Edition finden Sie hier.

Decretum de recipiendis et non recipiendis libris

P9629,  f.  144rb;  V630,  f.  254vb;  N442,  f.  176rb

IN[1]  [2]  CHRISTI  NOMINE  INCIPIUNT[3]  DECRETA  DE  RECIPIENDIS  ET[4]  NON  RECIPIENDIS  LIBRIS,  QUAE[5]  SCRIPTA  SUNT  A  GELASIO  PAPA[6]  CUM  SEPTUAGINTA  ERUDITISSIMIS  VIRIS[7]  EPISCOPIS  IN  SEDE  APOSTOLICA.  URBIS  ROMAE.

Post  propheticas  et[8]  evangelicas  atque[9]  apostolicas  scripturas,  quibus  ecclesia  catholica  per  gratiam  dei  fundata  est,  etiam[10]  illud  intimandum  putavimus[11],  quod,  quamvis  universae  per  orbem  catholicae  ecclesiae  unus  thalamus  Christi[12]  sit,  sancta  tamen  Romana[13]  catholica  et  apostolica  ecclesia  nullis  synodicis  constitutis  ceteris  ecclesiis  praelata  est,  sed  evangelica  voce  domini  et  salvatoris  nostri  primatum  obtinuit:  Tu  es  Petrus,  inquiens,  et  super  hanc  petram  aedificabo  ecclesiam[14]  meam,  et  portae  inferi  non  praevalebunt  <N442,  f.  176va>  adversus  eam;  et  tibi  dabo  claves  regni  caelorum,  et  quodcumque[15]  ligaveris  super  terram,  erunt  ligata  et  in  caelo,  et  quodcumque[16]  solveris  super  terram,  erunt  soluta  et  in  caelo.  Cui  data  est  etiam  societas  beatissimi  Pauli  apostoli[17]  vasis[18]  electionis,  qui  non  diverso,  sicut  heretici  garriunt,  sed  uno  tempore,  uno  eodemque  die  gloriosa  morte  cum  Petro  in  urbe  Roma  sub  Caesare  Nerone  agonizans  coronatus  est,  et  pariter  supradictam[19]  Romanam  ecclesiam  Christo  domino  consecrarunt[20]  talesque  omnibus  urbibus  in  universo  mundo  sua  praesentia  atque  venerando  triumpho  praetulerunt[21].  Est  ergo  prima  Petri  apostoli  sedes  Romana  ecclesia  non  habens  maculam  nec[22]  rugam  nec  aliquid  huiusmodi[23].  Secunda  autem  sedes  apud  Alexandriam  beati  Petri  nomine  a[24]  Marco  eius  discipulo  et  evangelista[25]  consecrata  est,  ipseque  a  Petro  apostolo  in  Aegyptum[26]  directus  verbum  veritatis  praedicavit  et  gloriosum  consummavit  martyrium.  Tertia  vero  sedes  apud  Antiochiam  eiusdem[27]  beatissimi  Petri[28]  habetur  honorabilis,  eo  quod  illic,  priusquam  Romam[29]  venisset,  habitavit  et  illic  primum[30]  nomen  christianorum  novellae  gentis  exortum  est.  Et  quamvis  aliud  fundamentum  nemo[31]  possit  ponere  praeter  id[32],  quod  positum  est,  quod[33]  est  Christus  Iesus,  tamen[34]  aedificationem  eadem[35]  sancta  Romana  ecclesia  post  illas[36]  veteris  vel  novi  testamenti,  quas  regulariter  suscepimus,  etiam  suscipi[37]  non  prohibet  scripturas,  id  est  sanctam  synodum  Nicenam  CCCXVIII  patrum  mediante  maximo  Constantino  augusto,  sanctam  synodum  Ephesinam[38],  in  qua  Nestorius  damnatus[39]  est  consensu  beatissimi  Caelestini  papae,  mediante  Cyrillo  Alexandrinae  sedis  antistite[40]  et  Arcadio  ab  Italia  destinato,  sanctam  synodum  Calcidonensem  mediante  Marciano  augusto  et  Anatholio  Constantinopolitano  episcopo,  in  qua  Nestoriana  et  Euticiana  heresis  simul  cum  Dioscoro[41]  eiusque  complicibus[42]  damnatae  sunt.  Item  opuscula  beati  Caecilii[43]  Cypriani  martyris  et  Cartaginensis  episcopi,  item  opuscula  <V630,  f.  255ra>  beati  Gregorii  Nazanzeni[44]  episcopi,  item  opuscula  beati  Basilii[45]  Cappadocii[46]  episcopi[47],  item  opuscula  beati  Iohannis  Constantinopolitani  episcopi,  item  opuscula  beati  Theophili  Alexandrini[48]  episcopi,  item  opuscula  beati  Hilarii  Pictavensis  episcopi,  item  opuscula  beati  Ambrosii  Mediolanensis  episcopi,  item  opuscula  beati  Augustini  Ippone[49]  Regiensis  episcopi,  <P9629,  f.  144va>  item  opuscula  beati  Hieronymi  presbyteri, item  opuscula  Prosperi  viri  religiosissimi,  item  epistola[50]  beati[51]  Leonis  papae  <N442,  f.  176vb>  ad  Flavianum  Constantinopolitanum  episcopum  destinatam[52],  cuius  textum  quispiam,  si[53]  usque  ad  unum  iota  disputaverit  et  non  eam  in  omnibus  venerabiliter  receperit,  anathema  sit,  item  opuscula  atque  tractatus  omnium  patrum  orthodoxorum,  qui  in  nullo  a  sanctae  ecclesiae  Romanae[54]  consortio[55]  deviarunt,  nec  ab  eius  fide  vel  praedicatione  seiuncti  sint[56],  sed  ipsius  communionis[57]  [58]  per  gratiam  dei  usque  in  ultimum  diem  vitae  suae  fuere  participes  legendos  decernimus.  Item  decretales  epistolas,  quas  beatissimi[59]  papae  diversis  temporibus  ab  urbe  Roma  pro  diversorum[60]  patrum  consolatione  dederunt  venerabiliter  suscipiendas[61],  item  gesta  sanctorum  martyrum,  quae  multiplicibus  tormentorum  eruciatibus  et  mirabilibus  confessionum  triumphis  irradiant.  Quis  ista  catholicorum  dubitet  et[62]  maiora  eos  in  agonibus  fuisse  perpessos[63]  nec  suis  viribus,  sed  dei  gratia  et  adiutorio  universa  tojerasse?  Sed  ideo  secundum  antiquam  consuetudinem  singulari  cautela  in  sancta  Romana  ecclesia  non  leguntur,  quia  et  eorum,  qui  scripserunt[64],  nomina  penitus  ignorantur  et  ab  infidelibus  aut[65]  dictis[66]  superflua  aut  minus  apta,  quam  rei  ordo  fuerit,  esse  putantur.  Sicut  cuiusdem  Cyrici  et  Iulitae[67],  sicut  Georgii[68]  aliorumque  huiusmodi  passiones[69],  quae  ab  hereticis[70]  perhibentur  conscriptae[71].  Propter  quod,  ut[72]  dictum  est,  ne  vel  levis  subsannandi[73]  oriretur  occasio  in  sancta  Romana  ecclesia  non  leguntur.  Nos  tamen,  cum  praedicta  ecclesia  omnes  martyres  et  eorum  gloriosos  agones,  qui  deo  magis  quam  hominibus  noti  sunt,  omni  devotione  veneramur.  Item  vitas  patrum,  Pauli,  Antonii,  Hilarionis[74]  et  omnium  heremitarum,  quas[75]  tamen  vir  beatissimus  descripsit[76]  Hieronymus,  cum  omni  honore  suscepimus[77].  Item  actus  beati  Silvestri  apostolicae  sedis  praesulis,  licet  eius,  qui  conscripsit,  nomen  ignoretur,  a  multis  tamen  in  urbe  Roma  catholicis  legi  cognovimus,  et  pro  antiquo[78]  usu  multae  haec  imitantur  ecclesiae.  Item  scripturam[79]  de  inventione  dominicae[80]  crucis  et  alia[81]  scriptura  de  inventione  capitis  Ioannis  baptistae  novellae  quidem  relationis[82]  sunt,  et  nonnulli  eas  catholici  legunt,  sed  cum  haec  ad[83]  catholicorum  manus  advenerint  beati  Pauli  apostoli  praecedat  sententia:  Omnia  probate,  quod  bonum  est,  tenete.  Item[84]  Rufinus  vir  religiosus  plurimos  ecclesiastici[85]  operis  edidit  libros,  nonnullas  etiam  scripturas  interpretatus  est.  Sed  quoniam  beatissimus[86]  Hieronymus  in[87]  aliquibus  eum  de  arbitrii  libertate  notavit,  illa  sentimus,  quae  praedictum  beatum  Hieronymum  sentire  cognoscimus,  et  non  solum  de  Rufino,  sed  etiam  de  universis,  quos  vir  saepius  memoratus  zelo  dei  et  fidei  religione  repraehendit.  Item  Origenis  nonnulla  opuscula,  quae  vir  beatissimus  Hieronymus  <V630,  f.  255rb>  non  repudiat[88],  <N442,  f.  177ra>  legenda  suscipimus[89].  Reliqua  autem  omnia  cum  auctore  suo  dicimus  esse  rennuenda.  Item[90]  chronica[91]  Eusebii  Caesariensis  atque[92]  eiusdem  historiae  ecclesiasticae  libros,  quamvis[93]  in  primo  narrationis  suae  libro  tepuerit  et  post[94]  in  laudibus  atque  excusatione  Origenis  scismatici  <P9629,  f.  144rb>  unum  conscripserit  librum,  propter  rerum  tamen  singularem[95]  notitiam,  quae  ad  instructionem  pertinet[96],  usquequaque  non  dicimus  rennuendos.  Item  Orosium  virum  eruditissimum  collaudamus,  quia  valde  nobis  necessariam  adversus  paganorum  calumnias[97]  ordinavit  historiam  miraque  brevitate  contexuit.  Item  venerabilis[98]  [99]  viri  Sedulii  paschale[100]  opus,  quod  heroicis[101]  descripsit[102]  versibus,  insigni[103]  laude[104]  praeferimus.  Item  Niventi[105]  nihilominus  laboriosum  opus  non  spernimus,  sed  miramur[106].  Cetera[107],  quae  ab  hereticis  sive  scismaticis  conscripta  vel  praedicta[108]  sunt,  nullatenus[109]  recipit  catholica  et  apostolica  Romana  ecclesia,  e  quibus  pauca,  quae  ad  memoriam  venerunt[110]  et[111]  a[112]  catholicis  vitanda  sunt,  credimus  esse  subdenda.

ITEM  NOTITIA  LIBRORUM  APOCRIFORUM  QUI  NON  RECIPIUNTUR.

Ariminensem  synodum  a  Constantino[113]  Caesare  Constantini  augusti[114]  filio  congregatam  mediante  Tauro  praefecto  ex  tunc  et  nunc  et  usque  in  aeternum  confitemur  esse  damnatam[115].  Item  itinerarium[116]  nomine  Petri  apostoli[117]  alios[118]  apocrifum  quod  appellatur  sancti  Clementis  libri[119]  X  apocrifum,  actus  nomine  Andreae  apostoli  apocrifum[120],  evangelium  nomine  Matthiae  apocrifum,  evangelium  nomine  Petri  apostoli  apocrifum,  evangelium  nomine  Iacobi  minoris[121]  apocrifum,  evangelium  nomine  Barnabae  apocrifum[122],  evangelia  nomine  Thomae[123],  quibus[124]  Manichei  utuntur  apocrifum[125],  evangelium[126]  nomine  Bartholomaei  apostoli  apocrifa,  evangelia[127],  quae  falsavit  Lucianus[128]  apocrifa,  evangelia,  quae  falsavit  Isicius,  apocrifa,  liber  de  infantia  salvatoris[129]  et  de  Maria  vel[130]  obstetrice[131]  apocrifum,  liber,  qui  appellatur  pastoris,  apocrifum,  libri  omnes,  quos  fecit  Leutius[132]  discipulus  diaboli  apocrifi,  liber,  qui  appellatur  fundamentum,  apocrifum,  liber  qui  appellatur  Thesaurum  apocrifum,  liber  de  filiabus  Adae  lecto  geneseos  apocrifum,  liber  qui  appellatur  actus  Theclae  <N442,  f.  177rb>  et  Pauli  apostoli  apocrifum,  liber,  qui  appellatur  Nepotis  apocrifum,  liber  proverbiorum[133],  qui[134]  ab  hereticis  conscriptus  et  sancti  Sixti  nomine  praenotatus  est[135],  apocrifum,  Revelatio[136],  quae  appellatur  Pauli  apostoli,  apocrifum,  Revelatio,  quae  appellatur  Thomae[137]  apocrifum,  Revelatio,  quae  appellatur  Stephani  apocrifum[138],  liber  qui  appellatur  transitus,  id  est  assumptio[139]  sanctae  Mariae  apocrifum,  liber  qui  appellatur  Adae[140]  [141]  poenitentia  apocrifum[142],  liber  de  Vegia[143]  nomine  gigante,  qui  cum  dracone  post  diluvium  <V630,  f.  255va>  ab[144]  hereticis  pugnasse  perhibetur,  apocrifum,  liber,  qui  appellatur  testamentum  Iob,  apocrifum,  liber,  qui  appellatur  poenitentia  Origenis,  apocrifum,  liber,  qui  appellatur  poenitentia[145]  sancti  Cypriani,  apocrifum,  liber,  qui  appellatur  Iamne[146]  poenitentia  et  Mambre  apocrifum,  <P9629,  f.  145ra>  liber[147]  Fisiologus[148],  qui  appellatur  Laus  apostolorum  apocrifum,  liber,  qui  appellatur  sortes  apostolorum  apocrifum,  liber  Fisiologus,  qui  ab  hereticis[149]  conscriptus  et  beati  Ambrosii  nomine  signatus  est[150],  apocrifum,  historia  Eusebii  Pamphili[151]  apocrifum,  opuscula  Tertulliani  apocrifum,  opuscula  Lactantii[152]  apocrifum,  opuscula  Africani[153]  apocrifum,  opuscula  Postumiani  et  Galli  apocrifum,  opuscula  Montani[154],  Priscillae  et  Maximillae  apocrifum,  opuscula[155]  omnia  Fausti  Manichaei  apocrifum,  opuscula  Commodiani  apocrifum,  opuscula  alterius  Clementis  Alexandrini  apocrifum,  opuscula  Tarsi  Cypriani  apocrifum,  opuscula[156]  Arnobii  apocrifum,  opuscula  Ticomii[157]  apocrifum,  opuscula  Cassiani  presbyteri  Galliarum  apocrifum[158],  opuscula  Frumenti  Caeci  apocrifum[159],  opuscula  Victorini  Pictaviensis[160]  apocrifum,  opuscula  fuasti  regensis  Galliarum  apocrifum[161],  Centonem[162]  de  Christo  Virgilianis  compaginatum[163]  versibus  apocrifum,  Epistola  Iesu  ad  Abgarum[164]  apocrifum,  epistola  Abgari[165]  ad  Iesum  apocrifum,  passio  Cirici  et  Iulitae[166]  apocrifum,  passio  Georgii  apocrifum,  scriptura,  quae  appellatur  contradictio[167]  Salomonis,  apocrifum[168].

Haec  et  his  similia,  quae  Simon  magus,  Nicolaus,  Corinthus[169],  Marcion,  Basilidis[170],  Ebion,  Paulus  etiam  Samosatenus[171],  Fotinus  et  Bonosus,  et  qui  simili[172]  errore  defecerunt,  Montanus  quoque  cum  suis  obscenissimis  sequacibus,  Apollonaris[173],  Valentinus  sive  Manicheaeus,  Faustus,  Africanus[174],  Sabellius,  <N442,  f.  177va>  Arrius,  Machedonius,  Eunomius[175],  Novatus,  Sabbastus[176],  Celertus[177],  Donatus,  Eustacius[178],  Iovinianus[179],  Pelagius,  Iulianus  Caelanensis[180],  Caelertius[181],  Maximianus[182],  Priscillianus[183],  Persilianus[184]  ab  Hispania[185],  Nestorius  Constantinopolitanus,  Maximus,  Unicus,  Lampetius,  Dioscorus,  Euthitius[186],  Petrus  et  alius  Petrus,  e  quibus  unus  Alexandriam,  alius  Antiochiam  maculavit,  Acacius  Constantinopolitanus  cum  sociis[187]  suis,  necnon  et  omnes  heresei[188]  hereseorumque[189]  discipuli  sive  scismatici,  quod[190]  docuerunt[191]  vel  conscripserunt,  quorum  nomina  minime  retinentur,  non  solum  repudiata,  verum  etiam[192]  ab  omni  Romana  ecclesia[193]  catholica  et  apostolica  eliminanda[194]  atque  cum  suis  auctoribus  auctorumque  sequacibus  sub  anathemate  indissolubili[195]  vinculo  in  aeternum  confitemur  esse  damnata.

P9629,  f.  145ra;  V630,  f.  255va;  N442,  f.  177va

© 2005 Karl-Georg Schon
Dieser Text ist urheberrechtlich geschützt. Er steht unter der GNU Free Documentation License.
Demnach dürfen Sie ihn frei weiter verbreiten und bearbeiten, vorausgesetzt Sie nennen den Namen des ursprünglichen Autors und Sie geben auch anderen das Recht den von Ihnen bearbeiteten oder verbreiteten Text unter den gleichen Bedingungen weiter zu verbreiten. Im einzelnen finden Sie Bestimmungen der GNU Free Documentation License unter dem Menüpunkt Lizenz.

Zuletzt geändert am 1.7.2005