[Home]
[Überblick]
[Text]
[Teil I]
[Teil II]
[Teil III]
[Übersetzungen]
[Capitula Angilramni]
[Collectio Danieliana]
[Lizenz]
[Kontakt]
[Links]
[Impressum]
[Inhalt]

Projekt Pseudoisidor

Pseudoisidor

Capitula Angilramni

Collectio Danieliana

Pseudoisidor Teil I

Pseudoisidor Teil II

Pseudoisidor Teil III

6. Synode unter Papst Symmachus

Inhaltsverzeichnis

Papst Symmachus an den Patricius Liberius

 

Die Auflösung der Handschriftensiglen und Hinweise zur Edition finden Sie hier.

 

Papst Symmachus an Erzbischof Laurentius von Mailand

P9629,  f.  177va;  V630,  f.  308vb;  N442,  f.  202rb

INCIPIT[1]  EPISTOLA  SYMMACHI  PAPAE  LAURENTIO  MEDIOLANENSIS  ECCLESIAE  ARCHIEPISCOPO  DIRECTA.

Dilectissimo[2]  atque  carissimo  fratri  Laurentio  Mediolanensis  ecclesiae  archiepiscopo  Symmachus  episcopus  in  domino  salutem.

Prodit  religiosae  votum  conscientiae  mens  laudibus  devota  pontificum.  Assertio  ingenii  est  deo  obsequentibus  mancipare,  quod  loquimur,  in  quorum  praeconiis  forte  angustus  sermo  vulget  inperitiam,  manifestat  tamen,  si  abstineatur,  infantiam.  Quis  mendicam  narra<N442,  f.  202va>tionem  aestimet,  quam  vota  locupletant?  Saepe  in  facundiae  dotibus  pauper  invenitur  vena  praedicantis,  et  e  diverso  thesaurus  <P9629,  f.  177vb>  cordis  irradiat  in  egestate  verborum.  Qui  vice  dei  iudicat,  non  desiderat  picta  colloquia,  sed  quae  infucatus  commendat  nitor  ingenii[3],  quia  in  his  etiam  sine  amore  blanditur  eloquentia,  in  illis  splendorem  suum  veritas  nuda  commendat.  Sine  faleris  est  omne,  quod[4]  dictat  affectio.  Ad  unguem  fabricantur  illa,  quae  volumus  notum  speciem  recti  habere  quam  similitudinem.  Ad  te,  venerabilis  mihi  antistes  maxime,  sermo  est,  cui  in[5]  meritorum  testimonio  virtus  coepit  a[6]  vocabulo,  in  quo  actus  eloquitur,  qui  nomen  appellat.  Providam[7]  parentum  tuorum  diligentiam  prius  te  eligi  voluit  quam  probari.  Te  olim  saecularibus  inhaerentem  titulis  castrensis  sudor  excoluit,  et  ad  ecclesiae  gubernacula  pars  adversa  solidavit,  sicut[8]  deus  loquitur  per  prophetam:  Qui  in  modico[9]  fidelis,  et  in  magno  fidelis  est.  Te  sacrum  iudex  et  consilii  comitem  meruit  et  laboris.  Bene  venerandis[10]  initiandus  altaribus  et  in  laica  conversatione,  quod  sacrum  esset,  elegisti[11].  Tu  pudicitiae  in  illa  aetate  custos  inventus  es,  in  qua  et  lex  obsequitur[12]  desideriis.  <V630,  f.  309ra>  Satis  enim  est  pueritiae  ambitum,  quam  licentia[13]  fulcit  horreri[14].  Christus  milites  suos,  quos  in[15]  personam  ducis[16]  attollat,  inter  acies  quaerit  hostiles.  Adscitus  ecclesiae  pontificem  actibus  implesti  ante  tempora  dignitatis.  Non  fuit  advena  benignitas,  quae  naturae  innixa  radicibus  de  cano  flore  germen  ostendit.  Temporale[17]  est  omne,  quod  fingitur,  perpetuum,  quod  cum  aetate  maturescit.  Non  tibi  sacerdotium  rem  doni  credimus  evenisse,  sed  praemii.  Alius[18]  vulgari[19]  a  gratia  lenocinante  commendat,  tibi  rigida  circa  culpabiles  districtio  dedit  affectum.  Manet[20]  te  singularis  sapientia,  quae  licet  generaliter  optanda  est,  tamen  exsistit  in  magistro  necessaria.  Frustra  monitoris  personam  suscipit,  qui  in  pacti  non  praevalet  aestimare  pondus  officii,  vilissimis  comparandus  est,  nisi  praecellat  scientia,  qui[21]  est  honore[22]  praestantior.  Dedit  tibi  apicem  res  iudicii,  non  favoris.  Dignus  pontifice  amor  est,  <P9629,  f.  178ra>  quem  censura[23]  conciliat.  Devenustat  institutoris[24]  genium,  qui  per  solam  gratiam  vult  placere.  Tu  his  eruditus  et  formatus  caeli  beneficiis  plus  agendo  populum  institues  quam  loquendo.  Illa  monita[25]  discipulorum  conscientiam[26]  erudierant[27],  quae  praebentur  exemplo.  Sine  pudore  invitat  ad  innocentiam,  qui  illam  non  fuerit  ipse  sectatus.  Te  inter[28]  secreta  penetralium  quasi  testem  metuunt,  qui  peccare  disponunt.  Nascentibus  culpis  <N442,  f.  202fb>  metus  et  reverentia  tua  negat  affectum.  Qui  inter  exordia  occurrit  vitiis  et  occasionem  lapsum  adimit  et  concupiscentiae  purgat  auctorem.  Haec  beatitudini  tuae  quasi  strictim  pro  linguae  meae  commendatione  dedicavi.  Si  precibus  tuis  vitae  successus  arriserit,  gestorum  tuorum  plena  me  revelatione  consecrabo,  ut,  quae  universis  nota[29]  sunt,  mansuris  in  posterum  litteris,  quatenus  gaudeat  aetas[30],  secutura[31]  serventur.

P9629,  f.  178ra;  V630,  f.  309ra;  N442,  f.  202vb



[1]  INCIPIT]  ITEM  INCIPIT  N442

[2]  am  Rande  CLIII  N442

[3]  ingeni  P9629

[4]  quo  P9629

[5]  in  meritorum]  immeritorum  korr.  aus  mmeritorum  N442

[6]  a  fehlt  V630

[7]  Provida  parentum  tuorum  diligentia]  Providam  parentum  tuorum  diligentiam  P9629

[8]  Sicut  deus  korr.  aus  Sicut  P9629

[9]  minimo  V630

[10]  veneranđis  P9629;  venerandis  fehlt  V630

[11]  elegisti]  et  legisti  P9629;  V630

[12]  subsequitur  N442

[13]  licentiae  N442

[14]  horreri  korr.  aus  errori  P9629

[15]  in  personam]  per  insonam  V630

[16]  dulcis  V630

[17]  Tempora  P9629;  Temporale  korr.  aus  Tempora  N442

[18]  Aliis  V630

[19]  vulgiar  P9629;  N442;  vulgiari  V630

[20]  Manet  te]  Manet  tua  korr.  aus  Manet  N442

[21]  qui  est  korr.  aus  quem  P9629

[22]  honore  korr.  aus  honori  N442

[23]  censure  V630

[24]  institutoris  korr.  aus  instituris  N442

[25]  monita  korr.  aus  munita  V630

[26]  conscientia  V630

[27]  erudierant  korr.  aus  eruderant  P9629;  eruderant  N442

[28]  inter  korr.  aus  in  N442

[29]  nata  P9629;  N442

[30]  actas  V630

[31]  secutura  korr.  aus  secura  N442

© 2005 Karl-Georg Schon
Dieser Text ist urheberrechtlich geschützt. Er steht unter der GNU Free Documentation License.
Demnach dürfen Sie ihn frei weiter verbreiten und bearbeiten, vorausgesetzt Sie nennen den Namen des ursprünglichen Autors und Sie geben auch anderen das Recht den von Ihnen bearbeiteten oder verbreiteten Text unter den gleichen Bedingungen weiter zu verbreiten. Im einzelnen finden Sie Bestimmungen der GNU Free Documentation License unter dem Menüpunkt Lizenz.

Zuletzt geändert am 15.7.2005