O93, f. 114rb; N442, f. 102vb; P9629, f. 74vb

SED ETIAM ALIA QUAEDAM in eminentissima Roma colligentes, quae contra diversas hereses conscripta sunt, subiunximus.

PROFESSIO¹ CATHOLICAE FIDEI, QUAM PAPA DAMASUS DESTINAVIT AD PAULINUM ANTIOCENUM EPISCOPUM

I Post Nicenum concilium aliud in urbe <N442, f. 103ra> Roma postea congregatum est a catholicis episcopis, qui addiderunt de spiritu sancto, et quia postea talis error exortus² est, ut quidam dicere profano ore praesumant sanctum spiritum per filium fuisse factum, ideo anathematizamus eos, qui non cum omni praedicant libertate cum patre et filio spiritum sanctum unius eiusque³ substantiae atque potestatis exsistere.

II Similiter autem anathematizamus et eos, qui errorem Sabellii sunt secuti <O93, f. 114va> eundem dicentes patrem esse quem filium.

III Anathematizamus Arrium et Eunomium, qui simili impietate, licet verbis discrepent, filium tamen et spiritum sanctum creaturam esse confirmant.

IIII Anathematizamus Macedonianos, qui ex Arriana radice derivati⁴ non impietatem, sed vocabulum mutaverunt.

V Anathematizamus Fotinum, qui Ebionis heresem⁵ renovans dominum nostrum Iesum Christum solum ex Maria confitetur.

VI Anathematizamus etiam eos, qui duos filios esse profitentur, unum ante saecula et alium⁶ post carnis assumptionem⁷ ex virgine.

VII Anathematizamus et eos, qui pro rationali anima⁸ confirmant, quia dei verbum in humanam carnem conversum⁹ est. Ipse namque filius verbum dei non pro rationali anima et intellegibili in suo corpore factus est, sed nostram, hoc est rationalem et intellegibilem animam, sine peccato assumpsit atque salvavit.

VIII Anathematizamus et eos, qui dicunt verbum dei productione et correptione¹⁰ a patre separatum et sine substantia eum terminandum esse blasphemant.

VIIII¹¹ Eos autem, qui ab ecclesiis ad alias ecclesias¹² <N442, f. 103rb>, tamdiu¹³ a nostra com<P9629, f. 75ra>munione alienos habemus, donec ad eas redeant civitates, in quibus primitus ordinati sunt.

X¹⁴ Si quis autem alio de loco ad locum migrante in loco viventis¹⁵ ordinatus est, tamdiu vacet sacerdotio, qui propriam deseruit civitatem, donec successor eius requiescat¹⁶ in domino.

XI¹⁷ Si quis non dixerit semper patrem et filium et semper spiritum sanctum esse, anathema sit.

XII¹⁸ Si quis non dixerit filium natum ex¹⁹ patre, hoc est ex²⁰ eius divina substantia, anathema sit.

XIII²¹ Si quis non dixerit verum deum filium dei sicut verum²² patrem eius et omnia posse et omnia nosse et patri aequalem esse, anathema sit.

XIIII²³ Si quis dixerit, quia in carne degens filius dei, cum esset in terra, in caelis et cum patre non fuit, anathema sit.

XV²⁴ Si quis dixerit, quia in passione²⁵ crucis dolorem passus est filius dei deus et non caro cum anima, quam induta est, formam servi, quam sibimet assumpsit, sicut scriptura dixit, anathema sit²⁶.

XVI²⁷ Si quis non dixerit, quia in carne, quam assumpsit, sedet ad dexteram patris, in qua etiam venturus est iudicare vivos et mortuos, anathema²⁸ sit²⁹.

XVII³⁰ Si quis non dixerit spiritum sanctum ex patre esse vere et proprie sicut et filium ex divina substantia et domini dei verbum, anathema sit³¹.

XVIII³² Si quis non dixerit³³ omnia posse spiritum sanctum et omnia nosse et ubique adesse sicut et filium et patrem, anathema sit.

XVIIII³⁴ Si quis³⁵ dixerit spiritum sanctum facturam aut per filium factum, anathema³⁶ sit.

XX³⁷ Si quis non dixerit omnia per ipsum filium et per³⁸ spiritum sanctum fecisse patrem, hoc est visibilia et invisibilia, anathema sit.

XXI³⁹ Si quis non dixerit patris⁴⁰ et filii et spiritus sancti unam deitatem, potestatem, divinitatem, virtutem, <N442, f. 103va> unam⁴¹ gloriam, dominationem, imperium, unam voluntatem et veritatem, anathema sit.

XXII⁴² Si quis tres personas non dixerit veras patris et filii et spiritus sancti aequales semper viventes⁴³, omnia continentes visibilia et invisibilia, omnipotentes, omnia iudicantes, omnia vivificantes, omnia creantes omniaque salvantes, anathema sit⁴⁴.

XXIII⁴⁵ Si quis non dixerit adorandum spiritum sanctum ab universa⁴⁶ creatura sicut et filium aut patrem, anathema sit⁴⁷.

XXIIII⁴⁸ Si⁴⁹ quis de patre et filio bene sapuerit, de sancto⁵⁰ autem spiritu non recte crediderit, hereticus est, quia omnes⁵¹ heretici de filio dei et de sancto spiritu male sapientes in Iudaeorum atque gentilium incredulitate consistere convincuntur.

XXV⁵² Si quis autem diviserit deum patrem dicens et deum filium et deum spiritum sanctum affirmans deos dici et non deum, propter unam deitatem ac potestatem, <P9629, f. 75rb> quam esse credimus et novimus⁵³, patris et filii et spiritus sancti deum unum subtrahens vero filium et spiritum sanctum tamquam solum opinatus patrem deum, anathema sit.

Nomen⁵⁴ enim deorum et angelis et omnibus sanctis a deo positum est atque donatum. De patre vero et filio et spiritu sancto propter unam aequalemque divinitatem non deorum nomina, sed dei nomen traditur atque significatur, ut credamus, quia in patre et filio et spiritu sancto solummodo baptizamur et non in archangelorum et angelorum nominibus, sicut heretici aut sicut Iudaei gentilesque vesaniunt. Haec igitur christianorum salus est, ut credentes trinitati, hoc est patri et filio et sancto⁵⁵ spiritui et⁵⁶ in ea⁵⁷ baptizati unam deitatem et potestatem et divinitatem et substantiam in eo esse credamus.

Haec itaque Gratiano vivente sunt facta.

O93, f. 115va; N442, f. 103va; P9629, f. 75rb