O93, f. 121ra; N442, f. 120ra; P9629, f. 87rb
INCIPIT EPISTOLA PAPAE INNOCENTII AD
QUOS SUPRA.
Innocentius Silvano seni, Valentino et ceteris,
qui in
Melibittana synodo interfuerunt, dilectissimis fratribus
in domino
salutem.
Inter ceteras ecclesiae
Romanae curas et
apostolicae sedis occupationes, quibus diversorum consultu
fideli ac modica disceptatione tractamus, frater et coepiscopus noster Iulius dilectionis
vestrae
litteras quas ex Melibittano nostra auctoritate concilio cura fidei
propen<V630,
f. 224ra>sio remisistis, mihi <P9629, f. 87va>
inopinanter ingessit, Carthaginensis etiam synodi querelae parili scripta
subiungens. Nec
mirum, dum exultat
ecclesia
tantam sollicitudinem commissis gregibus exhibere pastores, ut non
solum neminem ex his paveantur
errores,
sed si quas magis
ovium <O93, f. 121rb> scaevae
dilectionis
herba
seduxit, ac si in errore permanserint aut segregari
penitus velint aut illiciter
dudum petra vitantes, custodiae pristinae circuminspectione
tutari <N442, f. 120rb> in utraque parte videlicet
consulentes,
ne vel suscipiendo
tales simili ceterae
ducantur exemplo vel spernendo
redeuntes luporum morsibus videantur ingestae. Prudens admodum et
catholicae fidei plena consultationis voluntas. Qui
enim aut tolerare
possit errantem aut
non recipere corrigentem? Nam aut
durum arbitror cohibentiam praebere peccantibus, ita ut impium iudico
manum negare conversis. Diligenter ergo et congrue apostolici
consulitis honores
arcani, honoris,
inquam, illius, quem
praeter
illa, quae sunt intrinsecus, sollicitudo manet omnium ecclesiarum super
anxiis rebus, quae sit tenenda sententia,
antiquae scilicet regulae formam secuti, quam toto semper ab
orbe mecum nostis esse servatum.
Verum haec missa facio. Neque enim hoc vestram credo latere prudentiam,
quid
id etiam actionem
firmastis, nisi scientes, quod per omnes provincias de apostolico fonte
petentibus responsa semper emanent, praesertim quotiens fidei ratio
mutilatur, arbitror omnes fratres et coepiscopos nostros, non nisi ad
Petrum, id
est sui nominis et
honoris, auctorem referre debere, velut nunc retulit
vestra dilectio, quod per totum mundum possit ecclesiis omnibus in
commune prodesse. Fiant enim, necesse est, cautiores, cum inventores
malorum ad duplices relationem
synodi sententiae nostrae statutis viderint ad
ecclesiasticam communione seiunctos. Gemino igitur bono caritas vestra
fungetur,
nam et canonum
potiemini gratia servatorum et beneficio vestro
totus orbis utetur. Quis enim catholicorum virorum
cum adversariis Christi velit ulterius miscere sermonem? Quis saltim
ipsam lucem
vitae communione
partiri? Nova
hereseos nimirum
fugiantur auctores. Quid enim
<N442, f.
120va> acervius in dominum fingere potuerunt, quam cum adiutoria
divina cassarent causamque cotidianae precationis auferrent? Hoc est dicere: Cur
mihi opus deo? Merito in hos
dicat
hymnidicus:
<P9629, f. 87vb> Ecce homines, qui non posuerunt deum
adiutorem
sibi. Negantes ergo auxilium dei,
inquiunt, hominem
sibi <V630, f. 224rb> posse sufficere, nec gratia hunc egere divina, qua privatus,
necesse est,
diaboli laqueis irretitus occumbat, dum ad omnia vitae perficienda mandata sola tantummodo libertate contendat. O pravissimarum mentium perversa
doctrina
attendens
tandem, quod primum hominem ita libertas ipsa decepit, ut, dum indulgentius frenis eius
utatur, in praevaricationis praesumptionem conciderit, nec ex hac potuit erui, nisi ei providentia regenerationis statum pristinae libertatis Christi domini reformasset adventus. Audiat David dicentem: Adiutorium nostrum in nomine domini. Et:
Adiutor meus
esto, ne derelinquas me neque dispicias me, deus salutaris meus. Quae incassum dixerit, si tantum in eius erat positum voluntate, quod a domino flebili
sermone
poscebat. Quae cum ita sint, cum in omnibus divinis paginis voluntate liberae non nisi adiutorium dei
legamus esse
nectendum eaque nihil posse caelestibus praesidiis distitutam, quoniam modo huic soli possibilitatem hanc
pertinaciter, ut asseritis, defendentes sibimet, immo, quod est dignius dolore communi, nam plurimis Pelagius Caelestiusque suadent?
Multifariis se quidem ad instruendum tale magisterium uti
possimus exemplis, nisi sciremus sanctitatem vestram ad
plenum
scripturas omnes callere divinas, praesertim cum vestra relatio tantis
ac talibus testimoniis sit referta, ut his solis valeat praesens dogma rescindi opusque non
esse
reconditis, <N442, f. 120vb> cum his, quae facile vobis
occurrentia posuistis, nec audeant obviare nec possint. Ergo dei gratiam conantur auferre, quam
necesse est,
etiam restitutum nobis status pristinis libertate
quaeramus,
quippe ne alias a diaboli machinas, nisi eadem possumus iuvante
vitare.
Illud vobis, quod eos vestra fraternitas asserit
praedicare,
parvulos aeternae vitae praemiis etiam sine baptismatis <O93, f.
121va> gratia posse donari, perfatuum est; nisi enim manducaverint carnem
filii
hominis et biberint sanguinem eius, non habebunt vitam in semetipsis.
Qui autem hanc eis sine regeneratione defendunt, videntur
mihi ipsum
baptismum velle cassare, cum praedicant hos habere, <P9629, f.
88ra> quod in eos credunt nonnisi baptismate conferendum. Si
ergo nihil
volunt officere, non renasci, fateamur, necesse est, nec regenerationis sacra fluenta
prodesse.
<V630, f. 224va> Verum ut superfluorum hominum prava
doctrina
celeri veritatis possit ratione distingui, proclamat hoc dominus in evangelio dicens: Sinite infantes et nolite prohibere ire ad
me, talium
est enim regnum caelorum. Quare Pelagium est Caelestiumque, id est inventores
vocum
novarum, quae, sicut dixit apostolus, aedificationis nihilum, sed magis
vanissimas consuerunt parare quaestiones, ecclesiastica communione
privari apostolici vigoris auctoritate censemus, donec resipiscant a
diaboli laqueis, a quo captivi tenentur secundum ipsius voluntatem,
eosque interim dominico ovili non recipi, quod ipsi perversae viae secuti tramitem deserere
voluerunt. Abscidendi sunt enim, qui nos conturbant et volunt
convertere
evangelium Christi. Simul autem praecipimur, ut, quicumque ad pertinacia simili defensare nituntur, par eos vindicta constringat; non solum enim, qui faciunt, sed
etiam, qui
consentiunt <N442, f. 121ra> facientibus, quia non multum interesse arbitror inter
committentis
animum et consentientis favorem. Addet amplius: plerumque dediscit errare, cui nemo
consentit.
Haec igitur, fratres
carissimi, in
supradicta maneant fixa sententia. Absint atriis domini, careant dumtaxat custodia
pastorali, ne
duarum ovium dira contagia serpant forsitan per
vulgus incautum rapacique lupus corde laetetur intra ovile domini, cum tantas ovium fusas catervas, dum a custodibus dissimulantur, habetur vulnus duarum. Prospiciendum est
ergo, ne
permittendum lupus mercenarii magis quam videamur esse pastores. Iubemus sane, quam Christus dominus noster propria voce signavit, nolle se mortem morientis,
tantum ut
revertatur et vivat, ut, si umquam sanum deposito pravi dogmatis errore
resipuerint damnaverintque ea, quorum se ipsi praevaricatione damnarunt, eis medicinam
solitam, id
est, receptaculum suum ab ecclesia non negari, ne, dum eos redeuntes forsitan prohibemus vere extra ovile remanentes hostis rapidis faucibus glutiantur, quos semetipsi in spiculis malae disputationis armarunt.
Bene valete, fratres.
Data VI. Kal. Febr. Honorio et Constantio vv. cc.
conss.
O93,
f. 121va; V630, f. 224va; N442, f. 121ra; P9629, f. 88ra