O93, f. 123vb; V630, f. 211ra; N442, f. 126va; P9629, f. 92rb; W411, f. 250v; V1341, f. 150va

XVIIII¹ ITEM INNOCENTII² PAPAE AD BONIFACIUM PRESBYTERUM^{3 4} DE ANTIOCENA ECCLESIA.

Innocentius⁵ Bonifacio presbytero.

Ecclesia⁶ Antiochena, quam, priusquam ad urbem⁷ perveniret⁸ Romam beatus apostolus Petrus sua praesentia illustravit, velut germana ecclesiae⁹ Romanae diu se ab eadem alienam esse non passa est. Nam missis legatis¹⁰ ita pacem postulavit et meruit, ut Evagrianos suis¹¹ ordinibus ac locis intemerata ordinatione, quam acceperant a Memorato, susciperent et Iohannis sanctae memoriae vel clericos vel laicos in unum colligeret¹² atque congregaret, promittens ipsius civitatis episcopus frater meus Alexander, etiam si quis forte vel a nobis vel aliunde¹³ posterioris ordinationis ad eosdem advenerit, se sine controversia recepturum, ac¹⁴ nomen episcopi Memorati¹⁵ inter quiescentes episcopos recitaturum. Cui rei nos noveris tradidisse manus, frater karissime, et¹⁶ eos in nostra¹⁷ viscera recepisse, ne diu membra, <N442, f. 126vb> quae requisierant sanitatem, ab unitate corporis haberentur aliena. Omnia vero quae <V630, f. 211rb> per ordinem gesta sunt, filius meus diaconus Paulus, harum scilicet portitor litterarum, tuae¹⁸ dilectioni poterit enarrare, ut et gaudium commune nobiscum habeas¹⁹ et eos informes, qui pro Attici partibus intervenire consuerunt.

O93, f. 123vb; V630, f. 211rb; N442, f. 126vb; P9629, f. 92rb; W411, f. 250v; V1341, f. 150ra