O93, f. 124va; V630, f. 212rb; N442, f. 128ra; P9629, f. 93va; W411, f. 252v; V1341, f. 151va

XLVII¹ ITEM INNOCENTII² PAPAE AD LAURENTIUM SINIENSEM³ EPISCOPUM.

I⁴ De Bonosiacis, <N442, f. 128rb> quod Iudaeis⁵ sint comparandi⁶.

II⁷ De suscipiendis clericis, quos⁸ Bonosus⁹, antequam damnaretur, ordinasse cognoscitur.

Innocentius¹⁰ Laurentio episcopo Siniensi¹¹.

Diu mirati sumus dilectionis tuae litteris lectis hereticos Photini¹² venena¹³ sectantes in¹⁴ territorio dilectionis¹⁵ tuae non solum esse, sed et publice sibi¹⁶ conventicula in aliquorum possessionibus praeparare, cum de toto pene¹⁷ orbe nusquam tam multi quam apud¹⁸ vos delegerint habitare. Quorum doctrinae nefariae auctor¹⁹ Marcus dudum de urbe pulsus temeritatis tantae est ductus audacia, ut primum sibi inter eos vindicet locum. Sed ne ulterius debacchandi²⁰ habeant facultatem et animas simplicum²¹ ac²² rusticanorum secum in gehennam²³, cui destinati sunt, trahant, actum est adversum eos a defensoribus ecclesiae nostrae, quod²⁴ eos possint expellere, ut, qui Christum deum ex patris²⁵ substantia ante saecula negant genitum, hi²⁶ cum Iudaeis, qui²⁷ eius deitatem negaverint²⁸ et nunc usque negant, participium habeant²⁹ damnationis. Tuum est, frater karissime, quae praecepta sunt, non segnius agere³⁰, ne³¹ plebem tibi creditam dissimulatione disperdas³² et incipias deo de perditis reddere rationem.

O93, f. 124va; V630, f. 212rb; N442, f. 128rb; P9629, f. 93va; W411, f. 252v; V1341, f. 151vb