O93, f. 134va; N442, f. 154ra; P9629, f. 110va

Omnem^{1 2} quidem fraternitatem³ nosse non ambigo definitiones⁴ sanctae synodi, quae ob firmationem⁵ fidei in Calcedonense⁶ civitate celebrata est, toto corde me fuisse complexum, quia nulla sinebat ratio, ut, qui unitatem catholicae fidei dolebam ab hereticis fuisse turbatam non exultanter⁷ in integrum redisse gauderem. Hoc autem non solum ex ipso beatissimae consensionis effectu, sed etiam ex epistolis meis, quas post reditum meorum ad Constantinopolitanae urbis antistitem dedi, <N442, f. 154rb> potuissetis agnoscere, si vobis responsionem sedis apostolicae manifestare voluisset. Ne ergo per malignos interpretes dubitabile videatur, utrum, quae in synodo⁸ Calcidonensi⁹ per unanimitatem vestram de fide statuta sunt, et¹⁰ probem et¹¹ ad omnes fratres et coepiscopos nostros, qui praedicto concilio¹² interfuerunt, scripta direxi, quae gloriosissimus et clementissimus princeps, sicut poposci, in notitiam vestram mittere pro catholicae fidei amore¹³ dignabitur, ut et fraterna universitas, et omnium fidelium corda cognoscant me non solum per fratres, qui vicem meam exsecuti¹⁴ sunt, sed etiam per approbationem gestorum synodalium propriam vobis in¹⁵ his, cum se sententiam in sola videlicet fidei causa, quod saepe dicendum est, propter quam generale concilium et ex praecepto christianorum principum et ex consensu apostolicae sedis placuit congregari, ut damnatis hereticis, qui, si corrigi noluissent, nulla penitus resideret¹⁶ de vera domini nostri Iesu Christi incarnatione dubitatio. Unde si quis umquam ausus fuerit vel Nestorii¹⁷ perfidiam tueri vel Euticetis¹⁸ ac Dioscori impium dogma defendere, a catholicorum communione resecetur, nec habeat eius corporis participationem, cuius abnegat veritatem¹⁹, fratres carissimi.

De custodiendis quoque sanctorum patrum statutis²⁰, quae in synodo Nicena²¹ inviolabilibus²² sunt fixa decretis observantiam vestrae sanctitatis admoneo, ut iura ecclesiarum, sicut ab illis²³ CCCXVIII patribus divinitus inspirata sunt, ordinata²⁴ permaneant. Nihil alienum improbus ambitus concupiscat, nec per alterius imminutionem suum²⁵ aliquis quaerat augmentum. Quantumlibet enim exortis assentationibus²⁶ se instruat vanitatis elatio et appetitos²⁷ suos conciliorum aestimet nomine roborandos, infirmum atque irritum erit, quicquid a praedictorum patrum canonibus discreparet²⁸, quorum regulis apostolica sedes²⁹, quam reverenter utatur scriptorum meorum, quibus Constantinopolitani³⁰ antistitis³¹ conatus repuli, poterit sanctitas vestra lectione cognoscere³² me auxiliante deo³³ nostro³⁴ catholicae fidei et paternarum³⁵ constitutionum³⁶ esse custodem.

Data XII Kal. April. Opilione³⁷ v. c. cons.

O93, f. 134v; N442, f. 154rb; P9629, f. 110va