O93,
f. 135rb; N442, f. 156vb; P9629, f. 111va
LEO
ANATHOLIO EPISCOPO PER
PATRICIUM DIACONUM.
Lectis
dilectionis tuae litteris, quas per filium nostrum Patricium diaconum
direxisti, intellexi tibi studium meae sollicitudinis displicere, quae
secundum dominicam caritatem, quam
tibi a nobis impendi experimentis plurimis approbasti, de cavendis his,
qui communi
fidei adversari
dicerentur, admonui, ne ad neglegentiam rectoris referretur, si
quisquam in ecclesia catholica ea praedicare praesumeret, quae
hereticorum sensibus convenirent. Quod utrum veraciter fama iactaret
dilectionis tuae inquirendum iudicio deligavi.
Neque in aliquo honorem tuum laesi, cui discutienda ea, quae ad me
erant perlata,
commisi aut
scilicet Atticus
presbyter, quem talia
audere
cognoveram, nisi
perfecta se satisfactione purgasset et non solum voce hereticos, sed
etiam propriae manus subscriptione damnasset, a communionis
gratia esset alienus. Qui
scripta mittendo dubiae fidei et professionis
incertae confirmavit magis quam diluit, quicquid a
nobis de eo fama pertulerat. <P9629, f. 111vb> Cum si
conscientiam suam voluisset probare sinceram, non Euticen sibi odiosum
fuisse,
sed quod perfidiam
fuisset
ipsius, reprobaret atque damnaret, debuerat confiteri, quid
aliud
sunt humanae etiam
inter catholicos simultates, aliud diabolici, quos fides catholica
damnat errores. Et ideo, frater
carissime, in nullo debes de
dilectione
dubitare,
si prophetiae
exemplum sequaris et
dicas: Nonne qui te oderant,
domine, oderam illos
et super inimicos tuos
tabescebam?
Per omnia enim volo
te
certissimum, quod
sicut meam existimationem illaesam
cupio permanere, ita opto
te quoque in
omnibus
irrepraehensibilem reperiri. <N442, f. 157ra> Praedictus
autem, ut ab omni suspicione
contraria liber appareat, quid in Euticen anathematizet ac damnet
evidenter ostendat et in damnationem erroris expressi remotu
omni dubitatione subscribet,
ita ut
Calcidonensis
synodi definitionem de fide catholica
dilectio tua subscribendi
consensit, et quam apostolicae sedis firmavit auctoritas, profiteatur
semper
omnia servaturum,
adiecta subscriptione propriae manus, qui
in ecclesia christiano
populo praesente recitetur, ut per
catholicam fidem neque nos neglegentes neque ipse
ultra suspectus habeatur. Qui si in eadem pravitate perdurans praecepti
salubribus
parere noluerit,
sententia
synodi Calcidonensis,
cuius definitionibus resultat, exhibeat.
Data
V
Kal. Aprilis glp.
Maiorano
aug. cons.
O93,
f. 135rb; N442, f. 157ra; P9629, f. 111vb