O93,
f. 139va; V630, f. 241va; N442, f. 161va; P9629, f. 117rb; W411, f.
228v; V1341, f. 138ra
EIUSDEM
LEONIS
AD TURIBIUM
ASTURICENSEM
EPISCOPUM.
I
Contra Priscillianistas, qui sanctam trinitatem non personis, sed
tantum nominibus
distingunt.
II
Adversus id, quod dei
filium posteriorem
credunt
fuisse quam patrem.
III
Adversus id, quod dicunt ideo unigenitum dici Christum, quia solus sit
de virgine
natus.
IIII
De natali
domini, quod in eo
Priscillianistae ieiunia celebrent.
V
Adversus id, quod aiunt anima
hominis ex divina esse substantia.
<W411,
f. 229r> VI Contra illud, quod agunt
diabolum
ex
se vel ex caos
esse et propriam habere
naturam.
VII
Contra illud, quod nuptias et
procreationes filiorum adstruat
esse peccatum.
VIII
Contra id, quod corpora humana diaboli
dicunt esse figmenta
et a daemonibus
in utero formari.
VIIII
Contra illud, quod filios repromissionis ex sancto
spiritu
dicunt esse conceptos.
X
Contra id,
quod animas in
caelestibus peccare credunt et secundum qualitatem peccati in hoc mundo
accipere sortem vel bonam vel malam.
XI
Contra id, quod fatalibus
stellis dicant
animas hominum
obligatas.
XII
Contra id, quod sub aliis
potestatibus partes animae, sub
aliis corporis membra discribunt.
XIII
Contra id, quod patriarcharum nomina per singula corporis
membra disponunt.
<V630,
f. 241vb> XIIII Contra id, quod duodecim signa, quae mathematici
observant, per corpus omne distingunt.
XV
De apocryphis
scripturis eorundem
Priscillianorum.
XVI
Emendanda de libro Turibii
episcopi.
Leo
episcopus Turibio
episcopo
salutem.
Quam
laudabiliter pro catholicae fidei veritate moveris et quam sollicite
dominico
gregi <P9629, f.
117va> devotionem officii pastoralis impendas, tradita nobis per
diaconum tuum fraternitatis tuae scripta demonstrant, quibus notitiae
nostrae insinuare curasti, qualis in regionibus vestris
de antiquae
pestilentiae reliquiis
errorum
morbus
exarserit. Nam et epistolae sermo
et commonitorii
series et libelli tui
textus eloquitur,
Priscillianistarum
apud vos foetidissimam
recaluisse sententiam. Nihil est enim sordium
in quorumcumque
sensibus impiorum,
quod non in hoc dogma confluxerit, quoniam de omni terrenarum opinionum
luto multiplicem sibi feculentiam miscuerunt, ut
soli totum biberint,
quicquid alii ex
parte gustassent. Denique si universae hereses, quae ante Priscilliani
tempus exortae sunt, diligentius
retractentur,
nullus pene
invenietur error, <N442, f. 161vb> de quo non traxerit
impietas ista contagium, quae non
contenta
eorum recipere
falsitates,
qui ab evangelio
Christi sub Christi nomine deviarunt
<V1341, f. 138rb> in
tenebras,
sed
eadem
paganitatis immersit
per magicarum
artium profana
secreta et mathematicorum vana mendacia,
ut
religionis fidem
morumque rationem in potestate daemonum
et in effectu
siderum
collocaret. Quod si et credi liceat et
doceri, nec virtutibus praemium nec vitiis poena
debetur, omniaque
non solum humanarum
legum, sed etiam divinarum constitutionum
decreta solventur, quia neque de bonis neque de malis actibus ullum
poterit esse iudicium, si
in utramque
partem fatalis
necessitas motum mentis impellit et, quicquid ab hominibus
agitur non est hominum, sed astrorum.
Ad hanc
insaniam pertinent
et prodigiosa illa totius humani corporis per duodecim caeli signa
distinctio,
ut diversis partibus
diversae praesideant
potestates, et creatura,
quam deus
ad imaginem suam
<W411, f. 229v> fecit, in tanta sit obligatione siderum,
in
quanta est conexione
membrorum. Merito patres
nostri, sub quorum temporibus heresis haec nefanda prorupit,
per totum mundum instanter
egerunt, ut impius furor ab universa
ecclesia appelletur,
quando etiam mundi <O93, f. 139vb> principes ita
hanc sacrilegam amentiam detestati
sunt, ut auctorem eius cum
plerisque discipulis legum publicarum
ense prosternerent. Videbant
enim omnem curam honestatis auferri omnemque coniugiorum copulam solvi
simulque divinum ius
humanumque
subverti
,
si huiusmodi
hominibus
usquam vivere cum
tali professione licuisset. Profuit <V630, f. 242ra> diu
ista
districtio
ecclesiasticae
lenitati,
quae
etsi sacerdotali
contenta iudicio
cruentas
refugit ultiones,
quaerere
tamen christianorum
principum
constitutionibus
adiuvatur, dum ad
speratum nonnumquam
recurrunt remedium, qui timent
<P9629, f. 117vb> corporale
supplicium. Ex quo autem multas provincias hostilis occupavit irruptio
et exsecutiones
legum
tempestates
interclusere
bellorum,
ex
quo in
sacerdotes dei
difficilis commeatus et rari coeperunt
esse conventus,
invenit ob publicam
perturbationem
secreta
perfidia libertatem
et ad multarum mentium
subversionem his malis est incitata,
quibus debuit esse correcta. Quae vero illic aut quanta pars
plebium pestis
huius aliena est,
ubi, sicut dilectio tua indicat, letali morbo etiam quorundam
sacerdotum corda corrupta sunt, et per quos opprimenda falsitas et
defendenda
veritas credebatur,
per ipsos doctrinae Priscillianae
evangelium subdatur,
ut ad profanos
sensus
pietate sanctorum
voluminum depravata,
sub nominibus
prophetarum et apostolorum non hoc praedicetur, quod spiritus sanctus
docuit, sed quod diaboli
minister inseruit. <V1341, f. 138va> Quia ergo dilectio
tua fideli, quantum potuit, diligentia damnatas olim opiniones sedecim
se
capitulis
compraehendit, nos
quoque strictim
omnia
retractemus, ne
aliquid harum blasphemiarum
aut tolerabile videatur aut dubium.
I
Primo itaque capitulo demonstratur, quam impie sentiant
de trinitate divina, quae
patris et filii et spiritus
sancti unam
atque <N442, f. 162ra> eandem deus,
nunc
pater, nunc filius,
nunc spiritus sanctus nominetur, nec alius sit, qui genuit, alius, qui
genitus est atque
de utroque
processit, sed singularis unitas in tribus quidem vocabulis et non
in tribus sit accipienda personis.
Quod blasphemiae genus
de Sabellii opinione sumpserunt, cuius discipuli etiam Patripassiani
non
immerito nuncupantur,
quia, si ipse est filius, qui et pater, crux filii patris est passio,
et quicquid in forma servi filius patri
oboediendo sustinuit, totum in se pater ipse
suscepit. Quod catholicae fidei sine ambiguitate contrarium est, quae
trinitatem deitatis sic homousion
confitetur, ut patrem <W411, f. 230r> et filium et
spiritum
sanctum sine confusione indivisos, sine tempore sempiternos,
sine differentia credat
aequales, quia unitatem in trinitate non
eadem persona, sed eadem implet essentia.
II
In secundo capitulo ostenditur ineptum vanumque commentum de
processionibus quarundam virtutum ex deo, quas habere coeperit
et quas essentia sui ipse praecesserit. In quo
Arrianorum quoque frangantur
errori
dicentium, quod pater
filio prior sit, quia fuerit aliquando sine filio et tunc pater esse
coeperit, quando filium generarit,
sed sicut illos ecclesia catholica detestatur, ita et istos, qui putant
umquam
deo id, quod eiusdem
est essentiae,
defuisse, quem
sicut mutabilem ita et pro<V630, f. 242rb>ficientem
dicere nefas
est. Quam enim mutatur, quod minuitur, tam mutatur etiam, quod augetur.
<P9629,
f. 118ra> III Tertio vero
capitulo
sermone assignat,
quod idem
impii asserunt, ideo
unigenitum dici
filium dei, quia
solus sit
natus ex virgine.
Quod utique non auderent
dicere, nisi Pauli Samosateni et Photini
virus
hausissent,
qui dixerunt dominum nostrum Iesum Christum, antequam nasceretur ex
Maria virgine non fuisse. Si autem aliud isti de suo sensu intellegi
volunt neque principium de matre dant
Christo, asserant,
necesse est,
non
unum esse filium dei, sed alius
quoque ex uno patre genitus,
quorum hic unus sit natus ex femina et ob hoc appelletur
<O93, f. 140ra> unigenitus, <V1341, f.
138vb> quia hanc
nascendi condicionem alius
filiorum dei nemo susceperit. Quocumque
versum
igitur se contulerint,
in magnae tendunt
impietatis abruptum,
si Christum dominum Iesum
vel ex matre volunt habere principium vel
patris dei unigenitum diffitentur, cum et de matre is natus sit, qui
erat deus verbum et de patre nemo sit genitus praeter
verbum.
IIII
Quarto autem capitulo continetur, quod natalem Christi
secundum susceptionem veri
hominis,
quod
catholica ecclesia veneratur, quia verbum caro factum est et habitavit
in nobis, non vere isti honorant,
sed honorare se simulant,
ieiunantes eodem die sicut et die dominico, qui est dies resurrectionis
Christi.
Quod utique ideo
faciunt, quia Christum dominum in vera hominis natura natum esse non
credunt, sed per quandam illusionem ostentam
videri volunt, quae
vera non fuerit,
sequentes dogmata
Cerdonis atque
Marcionis et cognatis suis Manichaeis
per omnia consonantes. Quia sicut in nostro examine detecti
atque convicti
sunt, dominicum
diem, quem nobis salvatoris nostri resurrectio <N442, f.
162rb>
consecravit, exigunt in
merore
ieiunus
,
solis, ut proditum
est, reverentiae hanc continentiam devoventes, ut per omnia sint a
nostrae fidei unitate
discordes, et dies, qui a nobis in laetitia habetur, ab illis in
af<W411, f. 230v>flictione ducatur. Unde dignum est, ut
inimici
crucis et resurrectionis Christi talem excipiant sententiam, qualem
elegere
doctrinam.
V
Quinto capitulo refertur,
quod animam hominis divinae asserunt esse substantiae, nec a natura
creatoris sui condicionis nostrae distare naturam. Quam impietatem et
philosophorum
quorundam et
Manichaeorum
opinione manantem
catholica fides
damnat sciens nullam
tam
sublimem tamque
praecipuam esse facturam, cui deus ipsa
natura sit. Quod enim de ipso est, hoc est, quod ipse neque aliud est
quam filius et spiritus sanctus. Propter
hanc autem
trinitatis unam
consubstantialem et sempiternam atque incommutabilem <P9629, f.
118rb> deitatem nihil omnium
creaturarum est, <V630, f. 242va> quod non in exordio sui
ex
nihilo sit creatum. Non autem quicquid inter creaturas eminet, deus
est, nec
si quid magnum atque
mirabile est, hoc est, quod ille, qui facit mirabilia magna solus. Nemo
hominum veritas, nemo sapientia, nemo iustitia est, sed multi
participes sunt veritatis
et sapientiae atque iustitiae. Solus autem deus
nullius
participationis est
indigus.
De quo quicquid
digne utcumque sentitur, non
est
qualitas, sed
essentia. Incommutabili enim
nihil accidit, <V1341, f. 139ra> nihil deperit,
quia esse illi est,
quod est semper
aeternum, semper
proprium. Unde in se
manens innovat omnia et nihil accipit, quod ipse non dederit. Nimium
igitur superbi nimiumque sunt caeci, qui,
cum
dicunt humanam
animam divinae esse substantiae, non intellegunt nihil se
aliud dicere quam deum esse mutabilem et
ipsum perpeti,
quicquid potest
naturae vel
animae eius inferri.
VI
Sexta annotatio
indicat eos
dicere, quod diabolus
numquam fuerat
bonus nec natura
eius opificium
dei sit, sed eum ex
chao
et tenebris
emersisse, quia scilicet nullum sui
habeat auctorem,
sed omnis
mali ipse sit principium atque substantia, cum fides
ea, quae est catholica omnium creaturarum
sive spiritalium sive
corporalium bonam confiteatur substantiam et mali nullam esse naturam,
quia deus, qui universitatis est conditor, nihil
non bonum fecit. Unde et diabolus
bonus
esset, si
in eo, quod factus est, permaneret. Sed quia naturali excellentia
male usus est et in veritate non stetit, non in contrariam substantiam
transiit, sed
a
summo bono, cui
debuit adhaerere, descivit, sicut ipsi,
qui talia asserunt, a
veris in falsa proruunt
et naturam
in eo arguunt,
in quo sponte delinquunt,
ac
pro sua voluntaria
perversitate damnantur.
Quod utique ipsis malum erit, et ipsum malum non erit substantia, sed
poena substantiae.
VII
Septimo loco consequitur, <O93, f. 140rb> quod nuptias
damnant
et procreationem nascentium perhorrescunt.
In quo sicut pene in omnibus cum Manichaeorum
profanitate concordant. Ideo sicut ipsorum mores probant coniugalem
copulam detestantes,
quia est illic
libertas turpitudinis,
ubi non
pudor <N442, f.
162va> et
matrimonii
servatur et sobolis.
VIII
Octavum eorum
plasmationem
humanorum
corporum
diaboli
esse figmentum et
semina conceptionum per
<W411. f.
231r> daemones in mulierum
uteris figurari. Propter quod resurrectionem carnis non esse credendam,
quia concretio
corporis non sit
congruens animae dignitati.
Quae
falsitas sine dubio
opus <V630, f. 242vb> diaboli est, et talia
prodigia opinionum figmenta sunt daemonum, qui
non in feminarum ventribus <P9629, f. 118va> formantur
homines, sed in hereticorum cordibus tales
fabricantur
errores. Quod
immundissimum virus
de Manichaeorum
impietatis specialiter fonte procedens olim fides catholica
depraehendit atque damnavit.
VIIII
Nona autem
annotatio
manifestat, quod filios promissionis ex mulieribus
quidem
natos, sed ex
spiritu sancto dicant esse
conceptos,
ne illa sobolis,
quae de carnis semine nascitur, ad illam
condicionem pertinere videatur. Quod catholicae fidei repugnans
atque contrarium est, quae
omnem hominem <V1341, f. 139rb> in corporis animaeque
substantia
a
conditore
universitatis formari atque animari inter materna
viscera confitetur manente quidem illo
peccati mortalitatisque
contagio,
quod
in prolem a primo
parente transcurrit,
sed regenerationis subveniente sacramento, quo per spiritum sanctum
promissionis
filii renascuntur,
non in utero carnis, sed in virtute baptismatis. Unde et David, qui
utique promissionis erat filius dicit ad dominum: Manus tuae fecerunt
me et plasmaverunt me. Et
ad Ieremiam
dominus ait:
Priusquam te formarem in utero, novi te et in vulva matris tuae
sanctificavi te.
X
Decimo autem titulo referuntur asserere animas,
quae humanis corporibus inseruntur, fuisse in corpore et in caelesti
habitatione peccasse atque ob
hoc a sublimibus ad inferiora delapsas in suae
qualitatis principes incidisse et per
aerias
ac sidereas
potestates alias in diversis
corporibus esse conclusas
sorte diversa et condicione dissimili,
ut, quicquid in hac vita varie et inaequaliter provenit, ex
praecedentibus causis videatur accidere. Quam impietatis
fabulam ex multorum sibi erroribus
texuerunt, sed omnes eos catholica fides a corpore suae unitatis
abscidit constanter praedicans atque veraciter, quod animae hominum,
priusquam suis inspirarentur corporibus, non fuerunt nec ab alio
incorporantur nisi ab opifice
deo, qui et ipsarum est creator et corporum. Et quia per
primi hominis praevaricationem, tota humani generis propago vitiata sit
et
neminem posse a
condicione veteris hominis liberari nisi per sacramentum baptismatis
Christi, in
quo nulla est
discretio renatorum dicente apostolo: Quicumque in Christo baptizati
estis, Christum induistis. Non
est Iudaeus neque Graecus,
non
est servus neque
liber, non est masculus neque femina, omnes enim vos unum estis in
Christo Iesu. Quid ergo hic agunt cursus
siderum, quid figmenta
fatorum, quid mun<N442, f. 162vb> <P9629, f.
118vb>danarum
rerum mobilis
status
et inquieta diversitas? Ecce tot
impares
gratia dei fecit
aequales, qui inter quoslibet <V630, f. 243ra> vitae
huius
labores, si fideles permanent, miseri
esse
non possunt, quod
apostolicum illud in omni temptatione <W411, f. 231v>
monet
dicens:
Quis
nos separabit
a caritate Christi?
<O93, f. 140va> Tribulatio,
angustia, an persecutio, an fames, an nuditas, an periculum,
an gladius? Sicut scriptum est: Quia propter te mortificamur
tota die, aestimati sumus ut
oves occisionis, sed in his omnibus superamus
per eum, qui dilexit nos. Et ideo ecclesia, quae corpus est Christi,
nihil de mundi <V1341, f. 139va> inaequalitatibus metuit,
quia
nihil de bonis temporalibus
concupiscit, nec timet inani strepitu fatorum
gravari, quae patientia tribulationum novit augeri.
XI
Undecima
ipsorum blasphemia
est,
qua fatalibus
stellis et animis
hominum ad
corpora opinantur obstringi, per quam amentiam
necesse est, ut homines
paganorum erroribus implicati et faventia
sibi, ut putant, sidera colere et adversantia studeant mitigare. Verum
ista
sectantibus nullus
in ecclesia catholica locus
sit, quoniam, quisquis
talibus
persuasionibus sit
deditus,
a Christi corpore
totus abscessit.
XII
Duodecimo
inter haec illud est,
quod sub aliis potestatibus partes animae, sub aliis corporis
membra describunt,
qualitates
interiorum praesulum in
patriarcharum nominibus statuunt,
quibus e
diverso signa siderea,
quorum virtuti corpora subiciuntur, opponunt et in his omnibus
inextricabili se errore praepediunt
audientes dicentem apostolum: Videte, ne quis vos decipiat
per philosophiam
et inanem gloriam
secundum traditionem hominum, secundum elementa
mundi et non secundum Christum, quia in ipso inhabitat omnis plenitudo
divinitatis corporaliter et estis in illo repleti, qui est caput omnis
principatus et potestatis. Et iterum: Nemo vos seducat volens in
humilitate et religione angelorum, quae
non vidit ambulans frustra inflatus sensu
carnis suae non
tenens caput, ex quo
totum corpus compactum et coniunctione subministratum crescit
in augmentum
dei. Quid ergo opus
est in cor admittere, quod
lex non docuit, quod prophetia
non cecinit, quod evangelii veritas non praedicavit, quod apostolica
doctrina non tradidit? Sed haec aperta
sunt eorum mentibus, de quibus apostolus
loquitur dicens: Erit enim tempus, cum sanam doctrinam non sustinebunt,
sed ad sua desideria
coacervabunt
sibi magistros
prurientes
auribus et a
veritate quidem auditum avertent, ad fabulas
autem convertentur. Nihil itaque nobiscum communicabunt,
qui talia audent vel docere
vel
quibuslibet modis
nituntur adstruere, quod substantia carnis ab
spe resurrectionis aliena sit atque ita
omne sacramentum incarnationis Christi resolvunt, quia, sicut
indignum
fuit integrum
hominem <V630, f. 243rb> suscipi, sic
dignum erat integrum liberari.
<P9629,
f. 119ra> XIII Tertio decimo loco positum est <N442, f.
163ra>
dicere eosdem, quod
omne corpus
scripturarum canonicarum sub patriarcharum nominibus accipiendum sit,
quia illae duodecim virtutes, quae reformationem hominis interioris
operantur,
in horum
<V1341, f. 139vb> vocabulis dedicentur,
sine qua scientia nullam
animam posse assequi,
ut in eam substantiam, de qua prodiit, reformetur.
Sed hanc impiam vanitatem despectui
<W411, f. 232r> habet christiana sapientia, quae novit
deitatis inviolabilem et inconvertibilem
esse naturam, animam autem sive in corpore viventem sive a corpore
separatam
multis passionibus
subiacere. Quae
utique si de divina
esset essentia, nihil adversi posset incidere.
Et ideo ineffabiliter aliud est
creator et aliud creatura. Ille enim semper
idem est et nulla varietate
mutatur, haec autem mutabilis
etiam non
mutata, quia,
ut
non
mutetur, donatum poterit habere, non proprium.
XIIII
Sub quarto decimo vero
capitulo de statu
corporis
sentire dicuntur, quod sub potestate siderum atque <O93, f.
140vb> signorum pro terrena
qualitate teneantur,
et ideo multa in
sanctis libris, quae ad exteriorem hominem pertineant,
repperiri,
ut in ipsis
scripturis inter divinam
terrenamque naturam quaedam sibi repugnet adversitas et aliud sit, quod
sibi vindicent animae praesules, aliud, quod corporis conditores. Quae
fabulae ideo disseruntur, ut anima
divinae affirmetur
esse substantiae, et
caro credatur malae esse naturae, quoniam et
ipsum mundum
elementis
suis non opus dei boni, sed condicionem
mali profitetur
auctoris, atque ut
haec mendaciorum suorum sacrilegio
bonis titulis colorarent, omnia per
divina eloquia sensuum nefandorum immissione
violarant.
XV
De qua re quinto decimo capitulo sermo conquaeritur et praesumptione
diabolica merito detestantur,
quia et nos
istud veracium
testium relatione comperimus et multos corruptissimos eorum codices,
qui canonici titularentur, invenimus. Quomodo enim decipere simplices
possent, nisi venenata pocula quodam
melle praelinirent,
ne usquequaque
sentirentur
insuavia, quae
essent futura mortifera? Curandum ergo
est et
sacerdotali
diligentia maxime providendum, ut falsatis
codices et a
sincera veritate
discordes in nullo usu lectionis habeantur. Apocrifae autem scripturae,
quae sub nominibus apostolorum multarum
habent seminarium
falsitatum, non
solum inter<P9629, f. 119rb>dicendae
sunt, sed etiam penitus auferendae et
ignibus concremandae. Quamvis enim
sint in illis quaedam,
quae videantur speciem habere <V630, f. 243va> pietatis,
numquam
tamen vacua sunt venenis,
sed per fabularum
illecebras hoc
latenter
operantur, ut
mirabilium narrationibus
seductos laqueis cuiuscumque
erroris involvant. <V1341, f. 140ra> Unde si quis
episcoporum vel
apocrifa haberi per domos non prohibuerit vel sub canonicorum nomine
eos
codices
in ecclesia permiserit legi,
qui Priscilliani adulterina sunt emendatione corrupti,
hereticum se noverit
iudicandum, quoniam
alios ab errore non
revocat, qui
seipsum <N442, f.
163rb> errare
demonstrat.
XVI
Post
hoc prodidit iusta
querimonia, quod Dictinii
tractatus, quos
secundum
Priscilliani dogma conscripsit, a multis cum veneratione legerentur,
qui,
si aliquid memoriae
Dictinii tribuendum putant, rationem
eius magis debeant amare quam lapsum. <W411, f. 232v> Non
ergo
Dictinium, sed Priscillianum legunt
et illud probant, quod errans docuit, non
correctus elegit. Sed nemo hoc
imponere
praesumat nec
inter
catholicos censeatur,
quisquis utitur scriptis non solum ab ecclesia catholica, sed
etiam a suo auctore damnatis,
ne
sit perversis
liberum simulare, quod fingunt, ne
sub velamine
nominis
christiani decretorum
imperialium statuta declinent.
Ideo enim
ad ecclesiam
catholicam cum tanta
diversitate conveniunt, ut et, quos possunt, suos
faciant
et legum
severitatem, dum sensus
nostros mentiuntur, effugiant.
Faciunt hoc Priscillianistae, faciunt hoc Manichaei, quorum cum istis
tam foeda
sunt corda, ut in solis nominibus discreti, sacrilegiis autem suis
inveniantur uniti. Quia, si vetus testamentum,
quod isti se suscipere
simulant, Manichaei refutant,
ad unum tamen finem
utrorumque tendit
intentio, cum, quod illi abdicando impugnant, isti praecipitando
corrumpunt. In exsecrabilibus autem ministeriis,
quae, quanto immundiora
sunt, tanto diligentius occuluntur, unum prorsus nefas, una est
obscenitas et similis turpitudo.
Quam, etsi eloqui erubescimus, sollicitissimis tamen inquisitionibus
indagatam et Manichaeorum, qui compraehensi fuerant, confessione
detectam ad publicam
fecimus pervenire notitiam, ne
ullo modo dubium posset videri,
quod in iudicio nostro, cui
non
solum frequentissima
praesentia sacerdotum, sed etiam illustrium virorum dignitas et pars
quaedam se<P9629, f. 119va>natus ac plebis interfuit,
ipsorum,
qui omne facinus
perpetrarant, ore
reseratum,
sicut ea, quae ad
dilectionem tuam
nunc direximus, gesta
demonstrant. Quod autem de Manichaeorum foedissimo
scelere, hoc etiam de Priscillianistarum
incestissima
consuetudine olim
compertum multumque
vulgatum est,
<O93, f. 141ra> et qui
per omnia sunt
in impietate sensuum
pares, <V630, f. 243vb> non possunt in sacris
suis esse dissimiles.
Discussis
itaque omnibus, <V1341, f. 140rb> quae libelli series
compraehendit, et
a quibus
commonitorii forma
non discrepat,
sufficienter, ut opinor,
ostendimus, quid
de his
,
quae
ad nos fraternitas tua retulit, censeamus, et quam non
ferendum, si tam profanis
erroribus etiam quorundam
sacerdotum corda consentiunt
vel, ut mitius dixerint,
non resistunt. Qua conscientia honorem
sibi praescium
vindicant, qui pro
animabus sibi creditis non laborant? Bestiae irruunt et ovium septa non
claudunt, ferae
insidiantur et
excubias non
praetendunt, morbi
crebrescunt et remedia nulla prospiciunt. Cum
etiam illud addunt, ut his,
qui sollicitius agunt, consentire detrectent
et impietates olim toto orbe damnatas susceptionibus
suis anathematizare
dissimulent,
quid
de se intellegi
volunt, nisi quod non de numero fratrum, sed de parte
sint hostium, <N442, f. 163va> ne
iam
vero, quod in extrema
familiaris epistolae tuae parte posuisti,
miror cuiusquam
<W411, f.
233r> catholici intellegentia
laborare,
tamquam incertum sit,
an descendente ad infernum Christo caro eius requieverit in sepulchro,
quae
sicut vere et mortua
et sepulta, ita vere
est die tertio
suscitata. Hoc enim
et ipse dominus denuntiaverat
dicens ad Iudaeos: Solvite templum hoc et in triduo suscitabo illud.
Ubi evangelista
subiungit: Hoc autem
dicebat de templo corporis sui. Cuius rei veritatem etiam David
praedixerat loquens sub
persona domini salvatoris et dicens: Insuper et caro mea requiescet in
spe, quoniam non derelinques
animam meam in inferno nec
dabis sanctum tuum videre corruptionem. Quibus utique verbis
manifestatum
est, quod Christi
caro
et in
sepulchro requievit
et corruptionem non
subiit, quia celeriter
vivificata
reditu animae
resurrexit. Quod non credere satis impium est et ad
Manichaei Priscillianique doctrinam pertinere
non dubium, qui sacrilego
sensu ita se Christum simulant confiteri, ut
incarnationis,
mortis et resurrectionis auferant veritatem.
Habeantur
ergo inter vos epistolae
et ad concilium in
eum
locum, qui omnibus opportunus
sit, vicinarum conveniant sacerdotes provinciarum,
ut secundum haec, quae ad tua consulta
<P9629, f. 119vb> respondimus, plenissimo disquiratur
examine,
an sint
aliqui inter episcopos, qui huius
hereseos contagione
polluantur,
a communione sine
dubio sunt
separandi, si nefandissimam sectam per omnium sensuum pravitates
damnare noluerint. Nulla enim ratione tolerandum est, ut, qui
praedicandae fidei suscepit officium, is contra evangelium Christi,
<V1341, f. 140va> contra apostolicam doctrinam, contra
universalis ecclesiam
symbolum audeat disputare. Quales illic erunt
discipuli, ubi tales
docebunt magistri? Quae illic religio
populi, quae salus plebis, ubi contra humanam societatem pudoris
sanctitas <V630, f. 244ra> tollitur, coniugiorum
foedus aufertur, propagatio generationis inhibetur, carnis natura
damnatur, veri
dei cultus
interdicitur,
trinitas deitatis
negatur, personarum proprietas confunditur, animabus humanis divina
essentia datur et eadem ad
diaboli arbitrium carne concluditur.
Dei
filius per id, quod
de virgine ortus, non per id, quod ex patre natus est, unigenitus
praedicatur, idem
nec vera
dei pronem
mortemque veram
mendax etiam resurrectio resumptae de
sepulchro carnis habeatur? Frustra utuntur catholico nomine, qui istis
impietatis
non resistunt,
possunt haec credere, qui possunt
patienter audire?
Dedimus
itaque litteras ad fratres et coepiscopos
nostros Terraconenses,
Carthaginenses,
Lusitanos atque
Gallicos eisque concilium synodi generalis indiximus. Quae
ad tuae dilectionis sollicitudinem pertinebit, ut nostrae ordinationis
auctoritas ad praedictarum provinciarum episcopos
deferatur.
Si autem aliquid,
quod absit, abstiterint,
quo minus possit
celebrari
gene<N442, f. 163vb>rale concilium, Galliciae
saltim in unum
conveniant
sacerdotes, quibus congregandis
fratres nostri Idatius
et Coeponius imminebunt coniuncta cum eis in<W411, f.
233v>stantia tua, quo
citius vel provinciali conventu remedium tantis vulneribus afferatur.
Datum
XII Kal. Aug. Callipio
et Ardabure
conss.
O93,
f. 141ra; V630, f. 244ra; N442, f. 163vb; P9629, f. 119vb; W411, f.
233v; V1341, f. 140va