O93, f. 145rb; V630, f. 234rb; N442, f. 149ra; P9629, f. 126vb; W411, f. 244v; V1341, f. 147rb

LXXXII¹ EIUSDEM² LEONIS³ AD ANATOLIUM CONSTANTINOPOLITANUM EPISCOPUM DE HIS, QUI HERETICORUM ERRORIBUS METU, NON⁴ VOLUNTATE IMPLICANTUR⁵, PER SATISFACTIONEM AB⁶ ECCLESIA SUSCIPIANTUR, ET⁷ UT HERETICORUM NOMINA AD ALTARE NON RECITENTUR⁸.

Leo⁹ episcopus Anatolio episcopo.

Licet sperem¹⁰ dilectio<P9629, f. 127ra>nem tuam ad omne opus bonum esse <W411, f. 245r> devotam, ut tamen efficacior tua fieri possit industria¹¹, necessarium et congruum¹² fuit fratres¹³ meos Lucentium¹⁴ episcopum et Basilium presbyterum, ut promisimus, destinare, quibus tua dilectio societur, ut¹⁵ nihil in his, quae ad¹⁶ universalis¹⁷ ecclesiae¹⁸ statum¹⁹ pertinent aut dubie agatur aut segniter²⁰, cum residentibus²¹ vobis, quibus exsecutionem nostrae dispositionis iniunximus, ea possent²² agi cuncta cum²³ moderatione, ut nec benevolentiae²⁴ partes²⁵ nec iustitiae neglegantur, sed absque²⁶ personarum acceptione divinum in omnibus iudicium cogitetur. Quod ut recta observantia valeant²⁷ custodire²⁸, catholicae primitus²⁹ fidei servetur integritas, et quia per omnia angusta et ardua via³⁰ est, quae ducit ad vitam, neque <N442, f. 149rb> in sinistra³¹ neque in dextera ab³² eius tramite devietur³³. Et quia³⁴ evangelica et apostolica fides omnes expugnat³⁵ errores et ab uno latere Nestorium deicit³⁶, ab alio³⁷ Euticen³⁸ et participes³⁹ eius⁴⁰ elidit⁴¹, hanc regulam memento⁴² servandam, <V630, f. 234va> ut, quicumque in illa⁴³ synodo, quae nomen synodi nec habere⁴⁴ poterit nec meretur, et in qua⁴⁵ malevolentiam suam Dioscorus⁴⁶, industriam⁴⁷ autem Iuvenalis ostendit, dolent⁴⁸, ut⁴⁹ dilectionis tuae relatione comperimus, se metu⁵⁰ victos et⁵¹ terrore⁵² superatos ad consensum scelestissimi⁵³ iudicii potuisse compelli et communionem catholicam⁵⁴ obtinere desiderant, <O93, f. 145va> satisfactioni eorum pax fraterna praestetur, ita⁵⁵ ut non dubiis professionibus Euticen⁵⁶ cum suo dogmate cumque⁵⁷ consortibus suis anathematis exse<1341, f. 147va>cratione⁵⁸ condemnent. De his autem, qui in hac causa gravius peccaverunt et ob hoc superiorem sibi locum in eadem infelici synodo vindicarunt, ut humilium⁵⁹ fratrum simplicitatem⁶⁰ arrogantiae suae praeiudi<P9629, f. 127rb>ciis⁶¹ aggravarent, si forte resipiscunt⁶² et⁶³ facti sui defensionem⁶⁴ cassantes^{65 66} in condemnationem⁶⁷ proprii convertuntur⁶⁸ erroris⁶⁹, horum si satisfactio⁷⁰ talis⁷¹, quae non refutanda⁷² videatur⁷³, maturioribus apostolicae sedis consiliis reservetur, ut examinatis omnibus atque perpensis⁷⁴ ipsis eorum agnitionibus⁷⁵, quid constitui⁷⁶ debeat, aestimetur. Neque prius in ecclesia, cui te dominus voluit praesidere cuiusquam talium, ut ad^{77 78} te iam scripsimus, nomen ad altare recitetur⁷⁹, quam, quid⁸⁰ de eis constitui debeat, rerum processus ostendat⁸¹.

De commonitorio⁸² vero a⁸³ clericis dilectionis tuae nobis oblato⁸⁴ necessarium non fuit epistolis, quid⁸⁵ videretur, inserere, cum sufficeret legatis cuncta committi, quorum sermone ex omnibus diligentius instrueris. Annitere itaque, frater⁸⁶ carissime, ut, quae ecclesiae dei congruunt⁸⁷, fideliter et efficaciter cum his fratribus⁸⁸ constituit⁸⁹, quos⁹⁰ idoneos auctores elegimus, exsequaris⁹¹, praesertim cum et ipsa vos causae ratio spesque divini <W411, f. 245v> auxilii cohortetur⁹², et clementissimorum principum tam sancta sit fides, tam religiosa⁹³ devotio, ut in eis non solum christianum, sed etiam sacerdotalem⁹⁴ experiamur effectum. Qui utique pro ea pietate⁹⁵, qua se esse dei famulos gloriantur⁹⁶, omnes suggestiones⁹⁷ vestras fidei catholicae profuturas dignanter accipient⁹⁸, ut ipsorum quoque opere et pax christiana reparari et error impius possit aboleri. Ac si de aliquibus amplius fuerit deliberandum, celeriter ad nos relatio⁹⁹ dirigatur, ut pertractata¹⁰⁰ qualitate horum¹⁰¹ nostra, quid observari debeat, sollicitudo constituat.

Dat. VI¹⁰² Id. Ian¹⁰³. Adelfico¹⁰⁴ v.¹⁰⁵ c. cons. aera qua¹⁰⁶ supra.

O93, f. 145va; V630, f. 234va; N442, f. 149rb; P9629, f. 127rb; W411, f. 245v; V1341, f. 147va