Die
Auflösung der Handschriftensiglen und Hinweise zur Edition
finden Sie hier.
Konzil
von Gangra
O93, f. 38vb; V630,
f. 81va; W411, f. 12v;
V1341, f. 13rb; E97,
f. 250rb
INCIPIT GANGRENSE CONCILIUM POST
NICENAM SYNODUM EDITUM.
TITULI
I
De his, qui nuptias damnant.
<E97,
f. 250va> II De his, qui carnem
manducantes damnant.
III
Non debere servum occasione religionis dominum suum
contemnere.
IIII De oblatione
presbyteri coniugati.
V
Orationes ecclesiae non debere contemni.
VI
Non debere extra ecclesiam congregari.
VII De fructibus
in
ecclesiam et non alibi dandis.
VIII
De his, quae in usus pauperum
conferuntur.
VIIII
Virginitati studentem non debere nuptias exsecrare.
<V630,
f. 81vb> X De his, qui pro
virginitate superbiunt.
XI Agapem fratrum
non
debere contemni.
XII
De continentibus et usu palliorum.
XIII Non debere
mulierem continentiae causa virilem habitum usurpare.
XIIII Non debere
condemnantem nuptias a viro discedere.
XV
Non debere quemquam continentiae causa filios suos neglegere.
XVI
Ne filii occasione
religionis parentes suos
dispiciant.
XVII
Caput tondere mulieri non licere.
XVIII Non debere
die
dominico ieiunare.
XVIIII
Non licere communia ieiunia solvere.
XX Communicandum
in basilicis martyrum.
Dominis
honorabilibus
consacerdotibus in Armenia constitutis episcopis Eusebius, Eulalius,
Olipius, <V1341, f. 13va> Philetus, Pappus, Basilius,
Bitinicus,
Heracius , Ipacius,
Bassus, Eugenius, Gregorius,
Elianus, Pressius, Eugenius, qui convenerunt in Gangrense concilium in
domino salutem. Quoniam
conveniens sancta synodus episcoporum in Gangrensem ecclesiam propter
quasdam ecclesiasticas
et necessarias causas
inquirendas et ea, quae secundum Eustachium gesta sunt, dinoscenda
invenit multa fieri indecenter ab his, qui eundem
Eustachium secuti sunt,
necessario statuit palam factis
omnibus amputare universa, quae
ab eodem male commissa
sunt. Declaratum est enim hos eosdem nuptias accusare et docere, quod
nullus in coniugali
positus gradu spem habeat
apud deum, unde factum
est, ut multae mulieres seductae relictis propriis viris et viri
uxoribus destitutis vinculum coniugale dissolverent <E97, f.
250vb> continentiam profitentes, <W411, f. 13r>
quam, cum
retinere non possent, adulterium commiserunt.
Inventi sunt enim dissensiones ac
separationes in dominicis
ecclesiis docere, id est,
et traditiones
ecclesiasticas et ea, quae in ecclesiis aguntur, debere contemni,
privatis conventiculis institutis atque ad imitationem eorum, quae in
domo dei aguntur, omnia praesumere celebrare,
adhuc etiam vestibus
communibus spretis novos et insolitos habitus assumpsisse. Primitias quoque fructuum et oblationes
<V630, f.
82ra> eorum, quas veterum institutio ecclesiis tribuit, sibimet
vindicasse, id est, propria
ratiocinatione doctrinae, tamquam
sanctis sibi eas offerri debere apud se et inter se dispensandas,
servos a dominis recedentes et per hunc inusitatum religionis suae habitum sub
specie religionis dominos
contempsisse. Mulieres quoque praeter consuetudinem et sui sexus
ornatum hinc se iustificare credentes virilem
habitum suscepisse pluresque earum occasione religionis tonsas genuini
decoris comas penitus amputasse. Ieiunia, quae in ecclesia
praedicantur, contemnenda asseruisse.
Nonnullos etiam eorum cibos carnium tamquam illicitos <O93, f.
39ra> reputasse in domibus coniugatorum nec orationes quidem
debere celebrari persuasisse, in tantum, ut
easdem fieri vetent et oblationibus, quae in domibus factae fuerint,
minime communicandum esse decernant. Presbyteros vero, qui matrimonia contraxerunt,
sperni debere dicunt, nec
sacramenta, quae ab his confici<V1341,
f. 13vb>antur, attingi. Loca
sanctorum martyrum vel basilicas contemnere et
omnes, qui illuc conveniunt et sacramenta conficiunt, repraehendere.
Divites fideles, qui non omnibus renuntiant,
quae possident, spem apud deum non habere, et multa alia, quae enumerare nulli possibile
est, singulos quoque eorum pro suo
arbitrio constituere. Unusquisque enim eorum per talem institutionem
ab ecclesiastico canone recedens tamquam proprias leges sibimet
condidisse. Sed nec communis his omnibus et una
sententia est. Singuli enim, prout videtur et libet, accusationem
ecclesiae nitendo tamquam rector non sit, vel addit decreta vel minuit.
Propter hoc ergo coactum est <E97, f.
251ra> hoc concilium in Gangrensi ecclesia habitum
canones istos exponere, quibus
probantur memorati extra ecclesiam esse.
Quod si per poenitentiam condemnaverint omnia haec, quae male
senserunt, tamquam a se non bene prolata acceptabiles fiant,
<W411,
f. 13v> atque ad eos singula, quae
debeant contemnere, synodus credidit
exponenda. Quod si quis renuerit haec, quae hodie constituta sunt, tamquam
hereticus anathematizatus et damnatus
abiciatur, et erit non solum incommunicatus, verum etiam ab ecclesia
abiciatur extorris, donec deprecetur episcopus et de universis,
quae penes eos depraehensa atque detecta sunt, providerit, quid horum susceperit
observandum.
<V630,
f. 82rb> DE HIS, QUI NUPTIAS DAMNANT
I Si quis nuptias in
accusationem deduxerit et mulierem fidelem
ac religiosam cum viro suo
dormientem abominandam crediderit aut
etiam accusandam tamquam non posse
coniugatos in regnum dei ingredi, anathema sit.
DE HIS, QUI CARNEM MANDUCANTES DAMNANT
II Si quis carnem manducantem ex fide
cum religione praeter sanguinem
et idolo immolatum et suffocatum
crediderit condemnandum
tamquam spem non habentem, quod eas manducat, anathema sit.
NON DEBERE SERVUM
OCCASIONE RELIGIONIS DOMINUM SUUM
CONTEMNERE
III Si quis servum
alienum occasione religionis doceat dominum suum
debere contemnere et eius ministerium destituere ac non
potius docuerit eum suo domino bona fide et cum omni honorificentia
deservire, anathema sit.
DE OBLATIONE
PRESBYTERI CONIUGATI
IIII <V1341, f.
14ra> Si quis discernit presbyterum coniugatum, tamquam
occasione nuptiarum, quod offerre non debeat et ab eius
oblatione ideo abstinet, anathema
sit.
ORATIONES ECCLESIAE NON
DEBERE CONTEMNI
V Si quis docet domum
dei contemptibilem esse debere et congregationes quae in ea fiunt,
anathema sit.
NON DEBERE EXTRA ECCLESIAM
CONGREGARI
VI Si quis extra
ecclesiam privatam populos congregans
contemnat ecclesiasticas sanctiones ipsamque ecclesiam
apud se sine <E97, f.
251rb> consilio episcopi cum presbytero agat, anathema sit.
DE FRUCTIBUS IN ECCLESIA ET NON ALIBI DANDIS
VII Si quis oblationes
fructuum vel primitias
ecclesiae debitas voluerit
extra ecclesiam accipere aut dare praeter conscientiam
episcopi vel eius, cui
huiusmodi officia commissa sunt et non magis cum consilio eiusdem haec agenda putaverit, anathema
sit.
DE HIS, QUAE IN USUS PAUPERUM
CONFERUNTUR
VIII Si quis dederit vel
acceperit fructuum oblationes praeter episcopum vel eum,
qui constitutus est ab eo ad
dispensandam misericordiam
pauperibus, et qui dat et qui accipit anathema sit.
<O93,
f. 39rb> VIRGINITATEM STUDENTI NON DEBERE
<W411, f. 14r> NUPTIAS EXSECRARI
VIIII
Si quis vel virginitatem vel continentiam professus tamquam
abominabiles nuptias iudicat et non propter solum hoc, quod
continentia et virginitatis bonum sanctum propositum sit,
anathema sit.
DE HIS, QUI PRO
VIRGINITATE SUPERBIUNT
X Si quis propter
deum virginitatem professus in coniugio positos per arrogantiam
<V630, f. 82va> vituperaverit, anathema sit.
AGAPEM FRATRUM NON DEBERE CONTEMNI
XI Si quis
contemnendos duxerit agapem facientes et propter honorem domini fratres pauperes
convocantes et noluerit communicare vocationibus eorum tamquam nihili, quod fit, ducens, anathema sit.
DE CONTINENTIBUS ET
USU PALLIORUM
XII Si quis virorum
putaverit sancto proposito, id est continentiae, convenire, ut pallio utatur tamquam ex
eo iustitiam habiturus et repraehendat vel iudicet <V1341, f.
14rb> alios, qui cum reverentia birris utuntur et alia veste
communi, quae in usu est,
anathema sit.
NON DEBERE MULIEREM
CONTINENTIAE CAUSA VIRILEM HABITUM USURPARE
XIII Si qua mulier suo proposito utile
iudicans, ut virili veste utatur, ad
hoc, ut viri habitum imitetur, anathema sit.
NON DEBERE CONDEMNANTEM
NUPTIAS A VIRO DISCEDERE
XIIII Si qua mulier derelicto viro
discedere voluerit soluto vinculo coniugali nuptias
condemnando, anathema sit.
NON DEBERE QUEMQUAM
CONTINENTIAE CAUSA FILIOS SUOS NEGLEGERE
XV Si quis
dereliquerit proprios filios et non eos aluerit et, quod pietatis est,
<E97, f. 251va> necessaria non praebuerit, sed sub occasione
continentiae neglegendos putaverit, anathema sit.
NE FILII OCCASIONE RELIGIONIS PARENTES SUOS
DESPICIANT
XVI Si qui filii parentes
maxime fideles deseruerint
occasione dei cultus hoc
iustum esse iudicantes et non potius debitum honorem parentibus
reddiderint, ut hoc ipsum in eis venerentur,
quod fideles sunt, anathema sit.
CAPUT TONDERE MULIERI NON LICERE
XVII Quaecumque mulier religioni iudicans convenire
comam sibi amputaverit, quam deus ad velamen eius et ad memoriam
subiectionis illi dedit tamquam resolvens ius subiectionis,
anathema sit.
NON DEBERE DIE DOMINICO
IEIUNARE
XVIII Si quis tamquam hoc
continentiae convenire iudicans die dominico ieiunaverit in eiusdem
diei contemptum, anathema sit.
NON LICERE COMMUNIA
IEIUNIA SOLVERE
XVIIII Si quis eorum, qui
in proposito sunt continentiae, praeter necessitatem corporalem
superbiat et ieiunia communia totius <W411, f. 14v>
ecclesiae
putaverit contemnenda perfectam in sua scientia
vindicans rationem, anathema
sit.
COMMUNICANDUM IN BASILICIS
MARTYRUM
XX Si quis per
superbiam tamquam perfectum se existimans
conventus, qui per loca et basilicas sanctorum martyrum
fiunt vel accusaverit vel etiam oblationes, quae ibidem celebrantur
spernendas esse crediderit memoriasque <V1341, f. 14va>
sanctorum
contemnendas, anathema sit.
Haec autem scripsimus
non abscidentes eos, <V630, f. 82vb> qui in ecclesia dei
secundum
scripturas sanctum propositum
continentiae eligunt, sed eos, qui suscipiunt habitum eius et in
superbiam efferuntur adversus eos, qui
simplicius vivunt. Sed et hos condemnamus,
qui se extollunt adversus scripturas et ecclesiasticos
canones et nova introducunt praecepta. Nos autem et virginitatem cum humilitate
admiramur et continentiam cum
castitate et religione deo acceptissimam
dicimus et renuntiationem saecularium negotiorum atque actuum cum
humilitate approbanda laudamus
et nuptiarum vinculum, quod secundum castitatem <E97, f.
251vb>
secum perdurat, honoramus <O93, f. 39va> et divites cum
iustitia
et operibus bonis non abicimus et parsimoniam cum veste humili non
reprobamus, sicut etiam ornatum praeter corporis
diligentiam infucatum laudamus.
Dissolutos autem et fractos in vestibus incessus non recipimus, et
domos dei honoramus et conventus, qui in his fiunt tamquam
sanctos et utiles recipimus, pietatem in privatis domibus
non concludentes et omnem locum in nomine dei aedificatum honoramus et
congregationem in ecclesia factam ad utilitatem communem recipimus, et
bona opera, quae supra vires in fratres pauperes exercentur secundum
ecclesiasticas traditiones beatificamus et omnia, quae conveniunt
traditionibus apostolicis et sanctarum scripturarum praeceptis in
ecclesia fieri exoptamus.
EXPLICIT
O93,
f. 39va; V630, f. 82vb; W411, f. 14v; V1341, f. 14va;
E97, f.
251vb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 7.1.2006
|