Die
Auflösung der Handschriftensiglen und Hinweise zur Edition
finden Sie hier.
Konzil
von Laodikea
O93, f. 41vb; V630,
f. 86vb; W411, f. 22r;
V1341, f. 18va; E97,
f. 256rb
INCIPIT SYNODUS LAODICIAE.
I De digamis.
II
De his, qui diversorum
peccatorum lapsus incurrunt.
III
De neofitis non promovendis ad sacerdotium.
IIII
Non licebit coram
caticuminis clericos fieri.
V
Non licere clericis
usuram vel sexcupla accipere.
VI
Non debere hereticos in heresi permanentes in
ecclesiam ingredi.
VII
De Novatianis et Quardecimanis.
VIII
De Catafrigis ad ecclesiam
venientibus.
<O93, f. 42ra>
VIIII Non debere catholicos in ea, quae martyria sua heretici dicunt,
intrare.
X
Non debere catholicam hereticorum
matrimonio sociari.
XI
De caticuminis ecclesiae.
XII
De ordinandis episcopis cum consilio
metropolitani et finitimorum
episcoporum.
XIII
Non licere populo ministros altaris eligere.
XIIII
Sanctas oblationes pro eulogiis in festivitate
paschali ad alias parrochias non debere transmitti.
XV
De psalmistis.
XVI
Ut sanctum evangelium etiam sabbatis legatur.
XVII Psalmos sparsim
non licere confundi.
XVIII De orationibus
cotidianis.
<E97, f. 256va>
XVIIII De ordine orationum caticuminorum atque fidelium et de
communione.
XX
De disciplina atque modestia clericorum.
XXI De ministerio
subdiaconorum.
XXII
De ministris, ut orario non utantur.
XXIII
Quoniam non oportet
lectores vel psalmistas orario uti et sic legere.
XXIIII De lectoribus
et psalmistis, ut tabernas non intrent.
XXV
Non licere ministris panem dare aut calicem
benedicere.
XXVI De exorcistis.
XXVII
Non debere clericos sive laicos ad agapem vocatos partes tollere.
XXVIII
Non licere in ecclesiis accubitos sternere vel agapem facere.
XXVIIII
Non debere christianos sabaptizare.
XXX Nulli christiano
licere cum mulieribus lavacra excercere.
XXXI De cavendis
hereticorum connubiis.
XXXII
Non licere ab hereticis eulogias accipere.
XXXIII Non debere cum
hereticis aut scismaticis orare.
XXXIIII
Non eundum ad falsos martyres.
XXXV
Non licere christianis derelicta ecclesia ad angelorum congregationes
colligi.
XXXVI
Non licere clericos magos vel incantatores esse aut
filacte<V630, f.
87ra>ria facere.
XXXVII Non licere ab
hereticis vel Iudaeis feriatica, quae mittuntur, accipere.
<W411, f. 22v>
XXXVIII Non licere a Iudaeis azimas accipere.
<V1341, f. 18vb>
XXXVIIII Non licere cum paganis festa celebrare.
XL Episcopos ad
synodum vocatos non debere contemnere.
XLI
Non debere clericum vel laicum sine epistolis peregrinare.
XLII Nullum clericum
debere sine iussione sui episcopi peregrinari.
XLIII Ministros non
debere ab hostiis recedere.
XLIIII Non oportet post
duas septimanas quadragesimae aliquem ad
baptismum suscipere.
XLV Non debere mulierem ingredi ad altare.
XLVI Baptizandos debere
fidei symbolum et discere et reddere.
XLVII De his, qui in aegritudine
baptizantur.
XLVIII Quia post baptismum
chrisma dandum est.
XLVIIII In quadragesima sabbato tantum et dominica offerendum.
L Non licere quintam feriam septimanae
maioris ieiunium solvi.
LI Non debere in
quadragesima nisi sabbato et
dominico natalicia celebrare.
LII Non licere in
quadragesima nuptias fieri.
LIII Non licere
christianos ad nuptias euntes cantare aut ballare.
LIIII Non licere
ministros altaris vel ceteros
quoslibet spectaculis, quae aut in nuptiis aut in cenis exhibentur,
interesse.
LV Non debere clericum
vel laicum christianum ex symbolis convivia celebrare.
LVI
Non oportet presbyteros ante ingressum episcopi ingredi et sedere in
tribunalibus.
LVII Non debere in
vicis et villis episcopos ordinare neque presbyteros sine praecepto vel
consilio episcopi aliquid agere.
LVIII Non oportet in
domibus ab episcopis vel presbyteris oblationem fieri.
LVIIII
Non licere psalmos ab idiotis compositos in ecclesia dici nec <E97, f.
256vb> libros, qui non sunt canonici, legere.
Sancta
synodus quae apud Laodiciam Frigiae Pacatinae convenit ex diversis
provinciis Asiae regulas exposuit ecclesiasticas, sicut infra scriptum
est:
<V630,
f. 87rb> DE DIGAMIS
I De eo, quod oportet
secundum ecclesiasticum canonem eos, qui libere et legitime secundis
nuptiis iuncti sunt nec occultam
permixtionem operati sunt, pauco tempore exempto vacare orationibus et
ieiuniis et secundum veniam
reddi eis communionem.
<O93,
f. 42rb> DE HIS, QUI DIVERSORUM
PECCATORUM LAPSUS INCURRUNT
II His, qui diversorum
peccatorum lapsus incurrunt et oratione, confessione ac
poenitentia, malorum suorum
perfectam conversionem
demonstrant, pro qualitate
peccati poenitentiae tempus attribuendum est propter misericordiam et
bonitatem dei. Qui ergo
huiusmodi sunt,
revocandi et ad communionem sunt applicandi.
<W411,
f. 23r> <V1341, f. 19ra> DE NEOFITIS NON
PROMOVENDIS AD SACERDOTIUM
III Non oportet neofitum
promoveri ad ordinem
sacerdotalem.
NON LICERE CORAM
CATICUMINIS CLERICOS FIERI
IIII Non licere manus
impositionem super ordinandos praesentibus
caticuminis fieri.
NON LICERE CLERICIS
USURAM VEL SESCUPLA ACCIPERE
V Non licere fenerare ministris alienis vel in sacerdotali
ordine constitutis et vel usuras vel lucra, quae sescupla dicuntur,
accipere.
NON DEBERE HERETICOS IN
HERESI PERMANENTES IN ECCLESIAM INGREDI
VI Non concedendum
hereticis ingressum domus dei in heresi permanentibus.
DE NOVATIANIS ET QUARDECIMANIS
VII Novatianos vel etiam
Quardecimanos, quos Graeci teccepeccataetepe
tesserescedecadeteres appellant, id est,
qui quartadecima luna
primi mensis cum Iudaeis pascha celebrant, sed et caticuminos eorum vel
fideles nec recipi, priusquam
condemnent omnem heresim, plenissime
<E97, f. 257rb> autem ante omnia, in qua
detinebantur, et nunc, qui apud eos fideles dicuntur,
symbolum fidei doceantur atque ita unctos sancto etiam chrismate divino
sacramento communicare conveniet.
DE CATAFRIGIS AD
ECCLESIAM VENIENTIBUS
VIII Eos, qui
convertuntur ab heresi, quae dicitur Catafrigas, qui se in clero
constitutos existimant, quamvis magni dicantur, huiusmodi cum omni
diligentia catecizari oportet et baptizari ab ecclesiae
catholicae episcopis et presbyteris.
NON DEBERE CATHOLICOS IN EA, QUAE
MARTYRIA SUA HERETICI DICUNT, INTRARE
VIIII Non concedendum in cymiteria vel,
quae martyria hereticorum dicuntur,
catholicos orationis gratia et petendae
curationis intrare, sed et qui ierunt, si sunt fideles,
incommunicabiles factos ad poenitentiam
usque ad aliquod temporis redigi, poenitentes autem
eos et errasse confitentes suscipi oportet.
<V630,
f. 87va> NON DEBERE CATHOLICAM
HERETICO MATRIMONIO SOCIARI
X Mulieres, quae apud Graecos presbyterae appellantur, apud
nos autem viduae seniores, univirae et matricuriae
appellantur, in ecclesia tamquam ordinatas constitui non debere.
DE CATICUMINIS
ECCLESIAE
XI Eos, qui ad
ecclesiam pertinent, indifferenter filios <V1341, f,
19rb>
proprios hereticorum nuptiis minime sociari debere.
DE ORDINANDIS
EPISCOPIS CUM CONSILIO METROPOLITANI ET FINITIMORUM EPISCOPORUM
XII Episcopum non oportet praeter iudicium
metropolitanorum et finitimorum
episcoporum constitui ad ecclesiae principatum nec eligantur nisi hi, quos multo ante
nota probabilisque vita commendat et
nihilominus, si in sermone fidei et recta ratione per suam
conversationem fuerint probati.
NON LICERE POPULIS MINISTROS ALTARIS
ELIGERE
XIII De eo, quod non sit
populis concedendum electionem facere eorum, qui altari ministerio sunt
applicandi.
SANCTAS OBLATIONES PRO
EULOGIIS IN FESTIVITATE PASCHALI AD ALIAS PARROCHIAS NON DEBERE
TRANSMITTI
XIIII Sanctas oblationes
ad vicem eulogiarum per festivitatem
paschalem ad alias parrochias mitti minime oportet.
DE PSALMISTIS
<W411,
f. 23v> <E97, f. 257rb> XV Non licere praeter canonicos psalmos nisi, qui regulariter
cantores exsistunt, quique pulpitus ascendunt et de codice legunt,
alium quemlibet in ecclesia psallere.
UT SANCTUM
EVANGELIUM ETIAM SABBATIS LEGATUR
XVI Sabbatis
evangelia cum aliis
scripturis legenda esse censemus.
PSALMOS SPARSIM NON
LICERE CONFUNDI
XVII In
processionibus non connectere, id est, ex
diversis versibus et
sensibus libri in unum canticum minime
coniungere, sed
singulorum psal<O93, f. 42v>morum ordinabiliter debere fieri lectionem.
DE ORATIONIBUS COTIDIANIS
XVIII De eo, quod
semper supplicationes
ordinationum et ad horam
nonam et vesperam
oportet celebrari.
DE ORDINE
ORATIONUM CATICUMINORUM
XVIIII Quoniam caticuminorum
orationem separatim et
prius prostratis eis episcopum oporteat
celebrari. Quibus
egressis orent etiam hi, qui in poenitentia
sunt constituti, et post
manus impositionem his quoque
abscedentibus tunc fideles
orare debebunt, quorum tres
orationes fiant, una quidem, id est
prima, per silentium,
secunda vero et tertia per vocis pronuntiationem et tunc demum
osculum pacis dare debere, et
posteaquam presbyteri
episcopo pacem dederint, tunc etiam laicos dare et tunc oblatio
offeratur, solis autem ministris altaris liceat ingredi ad altare et ibidem communicare.
DE DISCIPLINA ATQUE MODESTIA CLERICORUM
XX Quoniam non oportet
diaconum sedere ante presbyterum, sed ex iussione
presbyteri sedeat, similiter autem honorificetur et diaconus <V1341, f.
19va> a ministris inferioribus et omnibus clericis.
DE MINISTERIO
SUBDIACONORUM
XXI <V630, f.
87vb> Quoniam non oportet subdiaconos licentiam habere in
secretarium sive sacrarium, quod Graeci
diaconicon appellant, ingredi et
contingere vasa dominica.
DE MINISTRIS, UT
ORARIO NON UTANTUR
XXII Ministrum non oportet orariis
uti nec ostia derelinquere.
XXIII Quoniam non oportet
lectores aut psalmistas orariis uti et sic legere aut psallere.
XXIIII Quoniam non oportet
clericos servientes a presbyteris usque
ad diaconos et deinceps ordinis <E97, f.
257va> ecclesiastici omnes usque ad ministros aut lectores aut
psalmistas aut exorcistas aut ostiarios aut etiam eos, qui in proposito
continentiae sunt, tabernas intrare.
XXV
Non oportet diacones panem dare nec calicem
benedicere.
XXVI
Non oportet ergo exorcizare eos, qui
necdum ab episcopis sunt provecti, neque in ecclesiis neque intra domos.
XXVII
Non oportet ministros altaris vel
quoslibet clericos ad agapem vocatos
partes tollere propter iniuriam, quae ex hac occasione ecclesiastico ordini poterit deputari.
XXVIII
Non oportet in basilicis seu in ecclesiis agapem
facere et intus manducare vel
accubitus sternere.
XXVIIII
Non oportet christianos iudaizare et in sabbato vacare, sed operari eos
in eadem die, dominica praeponendo eidem diei, si hoc eis placet,
vacent tamquam christiani. Quod si <W411, f. 24r> inventi
fuerint
iudaizare, anathema sint.
NULLI LICEAT CHRISTIANO
CUM MULIERIBUS LAVACRA EXCERCERE
XXX Quoniam non oportet
ministros altaris vel etiam clericos quoslibet aut continentes
se et omnem omnino
christianum cum mulieribus lavacra habere communia, haec est enim apud
gentiles prima repraehensio.
XXXI
Quoniam non oportet cum hereticis miscere
connubia et vel filios vel filias dare, sed
potius accipere, si tamen profiteantur christianos se
futuros esse catholicos.
XXXII Non oportet
hereticorum benedictiones accipere, quoniam maledictiones sunt magis
quam benedictiones.
XXXIII
Non oportet cum hereticis vel schismaticis
orare.
XXXIIII
Non oportet omnino christianum
derelictis martyribus Christi abire ad falsos martyres factos, hi enim alieni a deo
sunt. Quicumque autem
abire voluerit,
anathema sit.
XXXV
Non oportet christianos derelicta ecclesia
dei abire ad angelos
idolatriam non minandam congregationes
facere, quae om<V1341, f. 19vb>nia interdicta sunt.
Quicumque
autem inventus fuerit occulte huic
idolatriae <V630, f. 88ra> vacans, sit anathema,
<E97, f.
257vb> quoniam derelinquens dominum nostrum Iesum Christum
filium
dei accessit ad idola.
XXXVI
Quoniam non oportet ministros altaris aut clericos magos et incantatores esse
aut facere, quae dicuntur filacteria, quae sunt magna obligamenta
animarum. Hos autem, qui talibus rebus utuntur, proici ab ecclesia
iussimus.
XXXVII
Quoniam non oportet a
Iudaeis vel hereticis
feriatica, quae mittuntur, accipere nec cum eis dies agere
feriatos.
XXXVIII
Quoniam non oportet a Iudaeis azimas
accipere aut communicare impietatibus eorum.
<O93,
f. 42vb> XXXVIIII Non oportet cum paganis festa celebrare et impietatis eorum habere
societatem.
XL
Non oportet vocatos episcopos ad synodum contemnere, sed abire debere et aut
docere aut doceri, quae sunt ad
ecclesiae ceterorumque correctionem utilia. Quod si
contempserit, seipsum videtur accusasse, nisi
forte ire non possit.
XLI Non oportet
ministrum altaris vel etiam laicum sine
canonicis litteris, id est formata, alicubi proficisci.
XLII Non oportet
ministrum altaris vel quemlibet clericum praeter iussionem episcopi ad
peregrinandum proficisci.
XLIII Non oportet
ministros, id est, ostiarios vel brevi tempore ab ostiis deesse et
orationi vacare.
XLIIII
Non oportet post duas hebdomadas
quadragesimae quemquam ad baptismum
suscipi.
XLV Non oportet
mulieres ingredi ad altare.
XLVI
Baptizandos oportet fidei symbolum discere et quinta feria
ultimae septimanae vel episcopo <W411, f. 24v> vel
presbytero
reddere.
XLVII
Qui in aegritudine constituti
baptismum perceperunt, sani facti
symbolum fidei doceantur, ut noverint, qua donatione digni sint habiti.
XLVIII
Oportet baptizatos post baptismum sacratissimum chrisma percipere
et caelestis regni participes fieri.
XLVIIII
Non oportet in quadragesima panem offerri nisi
sabbato et dominica tantum.
L
Non oportet in quadragesimae quinta feria
ultimae ebdomadae ieiunium dissolvi et totam
quadragesimam inhonorari, sed per
totos dies ieiunare et escis abstinentiae
convenientibus, id est aridioribus, uti.
LI Non oportet in
quadragesima martyrum <E97, f. 258ra> natalicia celebrari, sed eorum in
sabbato et dominica tantum memoriam fieri.
LII Non oportet in
quadragesima aut nuptias vel <V630, f.
88rb> <V1341, f. 20ra> quaelibet natalicia
celebrare.
LIII Non oportet
christianos ad nuptias euntes
vel ballare vel saltare, sed caste cenare vel prandere competit
christianis.
LIIII
Non oportet ministros altaris vel quoslibet clericos spectaculis
aliquibus, quae aut in nuptiis aut
cenis exhibentur, interesse, sed antequam themelici ingrediantur,
surgere eos de convivio et abire debere.
LV
Non oportet ministros altaris vel quoslibet clericos aut etiam laicos
christianos ex symbolis, quae vulgus commissalia appellat, convivia celebrare.
LVI
Non oportet presbyteros ante ingressum episcopi ingredi et sedere in
tribunalibus, sed cum episcopo ingredi, nisi forte aut aegrotet episcopus
aut in peregrinationis commodo eum esse
constiterit.
LVII
Non debere in vicis et villis episcopos
ordinari, sed visitatores, id est, qui circumeant constitui, his autem, qui ante hoc
ordinati sunt, nihil agere censemus sine conscientia
episcopi civitatis. Similiter etiam presbyteri nihil sine praecepto et
consilio episcopi agant.
LVIII
Non oportet in domibus oblationes ab episcopis seu presbyteris fieri.
LVIIII
Non oportet ab idiotis psalmos compositos
et vulgares in ecclesiis dici
neque libros qui sunt extra canonem legere, nisi solos
canonicos novi et veteris testamenti. Quae autem oporteat legi
et in auctoritatem recipi, haec sunt:
Genesis,
Exodus, Leviticus, Numeri,
Deuteronomium, Iesu Nave, Iudicum, Ruth, Regnorum libri quattuor,
Paralipomenon libri duo, Esdrae,
liber Psalmorum numero CL, Proverbia Salomonis, Ecclesiastes, Cantica
canticorum, Iob, Esther, duodecim prophetarum libri
XVI, id est Oseae et Amos, Ioel, Abdias,
Ionas, Michaeas, Nahum, Habacuc, Sophonias, Aggaeus, Zacharias, Malachim, <W411, f.
25r> Esaias, Ieremias, Ezechiel, Daniel. Novi testamenti, id est evangelium
secundum Matthaeum, <E97, f. 258rb> secundum Marcum,
secundum
Lucam, secundum Iohannem, Actus apostolorum; canonicae epistolae VII:
Iacobi una, Petri duae, prima et secunda;
Iohannis III, prima et
secunda et tertia et Iudae una,
epistolae Pauli apostoli numero XIIII: ad Romanos, ad Corinthios <O93, f.
43ra>prima et secunda, ad Galatas, ad
Ephesios, ad Philippenses duae prima et secunda,
ad Timotheum duae, prima et secunda, ad Titum, ad Philemonem, ad Hebraeos.
O93,
f. 43ra; V630, f. 88rb;
W411, f. 25r; V. 1341, f. 20ra; E97, f. 258rb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 8.1.2006
|