Die
Auflösung der Handschriftensiglen und Hinweise zur Edition
finden Sie hier.
5.
Konzil
von Karthago
O93, f. 53ra; V630,
f. 106ra; W411, f. 55r; B132, f. 61ra; V1341, f. 37ra; E97, f. 277ra
CONCILIUM
CARTAGINENSE
AFRICAE QUINTUM HABITUM AB EPISCOPIS LXXIIII
ERA CCCCXXXVIII
INCIPIUNT
TITULI
I
De accusatoribus.
II
De clericis pro crimine suo damnatis,
ut a quolibet non defensentur.
<E97,
f. 277rb> III
De sacerdotibus et levitis, ut ab uxoribus se contineant.
IIII
De clericis ad testimonium non pulsandis.
V
De rebus ecclesiae sine
consulto
metropolitani episcopi
non alienandis.
VI
Ut nullus episcopus relicta cathedra in diocesi resideat.
VII
De his, qui nullo testimonio se baptizatos noverunt,
ut baptizentur. Similiter
de consecratione ecclesiarum faciendum
est.
VIII
De tempore paschali seu concilii.
VIIII
De intercessoribus, ne cathedram morientis episcopi diu retineant,
<V1341, f. 37rb> sed infra annum sacerdotem
provideant.
<B132,
f. 61rb> X
De
defensore
ecclesiarum a
principe postulando.
XI
Ut episcopi ad diem concilii occurrant.
XII
Ut lapsis sacerdotibus
manus eis sicut laicis non imponatur.
XIII
De clericis excommunicatis, quamdiu
eis
asserere
liceat.
XIIII
De clericis vel monachis ab alio episcopo ordinatis.
XV
De basilicis, quae sine martyrum reliquiis dedicatae sunt.
XVI
De idolatriis destruendis.
<O93,
f. 53rb> POST
CONSULATUM
placuit
,
ut
die VI
Kal. Iul. Carthagine
in secretario basilicae restitutae subter
inserta statuerentur, cum Aurelius episcopus unacum episcopis
suis consedisset adstantibus diaconibus constituta sunt haec, quae in
subsequente
concilio definita sunt:
I
In principio statuendum est,
ut accusatoribus
de inimici domo prodeuntibus, vel qui cum inimicis morantur, non
credatur, nec ab accusatis recipiantur, dein
qui forte in ecclesia quamlibet causam iure apostolico ecclesiis
imposito agere voluerit et fortasse discissio
clericorum uni parti
displicuerit, non liceat clericum in
iudicium ad testimonium devocari eum, qui cognitor vel praesens fuit
et
nulla
ad testimonium dicendum ecclesiastici
cuiuslibet persona
pulsetur.
II
Et
illud statuendum,
ut
nullae accusationes a iudicibus audiantur ecclesiasticis, quae legibus
saeculi prohibentur, et ut, si quis cuiuslibet honoris clericus iudicio
episcoporum
quocumque crimine fuerit damnatus, non liceat eum sive ab ecclesiis,
quibus praefuit,
sive a quolibet homine defensari,
interposita
poena <V630, f. 106rb> damni pecuniae atque honoris,
quo
nec aetatem nec sexum excusandum esse praecipimus.
III
Praeterea,
cum
de quorumdam clericorum quamvis erga uxores proprias
incontinentia referretur, <E97, f. 277va> placuit
episcopos et
presbyteros et diaconos secundum priora statuta etiam ab uxoribus
continere, quod, nisi fecerint, ab ecclesiastico removeantur officio. Ceteros autem <W411, f. 55v>
clericos ad hoc non
cogi,
sed secundum uniuscuiusque
ecclesia
consuetudinem
observari
debere.
IIII
Placuit etiam, ut rem ecclesiae nemo vendat. Quod si aliqua necessitas
cogit, hanc insinuandam
esse primati provinciae, ut cum statuto
numero
episcoporum, utrum faciendum sit, arbitretur. Quod si tanta urguet
necessitas ecclesiae, ut non possit
ante
consulere, saltem
post factum curiositatem habeat
et
vicinis episcopis
hoc ante
indicare et ad
concilium referre eas
ecclesiae necessitates.
Quod si non fecerit, reus concilii venditor teneatur.
V
Placuit, ut nemini
sit facultas relicta
principali cathedra, ad aliquam ecclesiam in diocesi constitutam se
conferre vel in
re propria diutius, quam oportet, constitutum curam vel frequentationem
propriae cathedrae neglegere.
VI
Placuit de
infantibus, quoties non inveniuntur certissimi testes, qui eos
baptizatos esse sine dubitatione testentur, neque ipsi sunt per aetatem
idonei de traditis sibi
sacramentis respondere absque ullo scrupulo
eos
esse baptizandos,
ne ista trepidatio eos faciat sacramentorum purgatione privari. Hinc
enim legati
Maurorum fratres nostri consuluerunt,
quia multos
tales
a barbaris redimunt. Similiter
et de ecclesiis, quotiens super earum consecratione hesitatur,
agendum est, id est, ut sine ulla trepidatione consecrentur.
VII
Placuit, ut dies
venerabilis paschae formatarum subscriptione
omnibus intimetur, dies vero concilii XI Kal. Novembris servetur et
scribendum ad singularum quarumque provinciarum primates,
ut, quando <V630, f. 106va> apud se concilium congregant,
istum
diem non impediant.
VIII
Item constitutum est, ut nulli intercessori licitum
sit cathedram,
cui intercessor datus est, quibuslibet populorum studiis
vel seditionibus
retinere, sed dare operam, ut intra
annum eisdem episcopum
praevideat. Quod
si neglexerit, anno exempto
<E97, f. 277vb> interventor alius tribuatur.
VIIII
Ab
imperatoribus universis visum est
postulandum propter afflictionem
pauperum, quorum molestiis sine intermissione fatigatur
ecclesia, ut defensores eis adversus potentias divitum cum episcoporum
provisione
delegentur.
X
Item
placuit, ut,
quotiescumque concilium congregandum est, episcopi, qui neque
aetate neque
aegritudine neque alia graviori necessitate impediuntur, competenter
occurrant primatibusque suarum
provinciarum
intimetur, ut de universis episcopis vel duae vel tres turmae fiant
ac
de singulis turmis vicissim, quotquot electi fuerint, ad diem concilii
instantissime occurrant. Quod si non potuerint occurrere, excusationes
suas in tractatoria
subscribant,
vel si post adventum tractatoriae
aliquae
necessitates repente
forsitan <V1341, f. 37vb> ortae fuerint, nisi rationem
impedimenti sui apud suum primatem
reddiderint,
ecclesiae
communione debere
esse contentos.
<O93,
f. 53va> XI Item confirmatum
est, <W411, f. 56r> ut, si quando presbyteri
vel diaconi
in aliqua graviori
culpa convicti fuerint, qua
eos a ministerio necesse sit removeri,
non eis
manus tamquam
poenitentibus vel tamquam fidelibus laicis imponatur,
neque umquam permittendum,
ut
rebaptizati ad clericatus gradum
promoveantur.
XII
Rursus constitutum est, ut quoties clericis convictis
et confessis
in aliquo crimine vel propter eorum,
quorum
verecundiae
parcitur vel propter ecclesiae opprobrium aut insolentem
insultationem
hereticorum atque gentilium, si forte causae suae adesse voluerint
et innocentiam suam asserere, intra annum excommunicationis hoc
faciant. <V630, f. 106vb> Si vero
intra annum causam suam purgare contempserint,
nulla eorum vox
penitus audiatur.
XIII
Item placuit, ut, si
quis de alterius monasterio repertum
vel ad clericatum promovere voluerit, vel in
suo monasterio maiorem monasterii constituere, episcopus, qui hoc
fecerit, a ceterorum communione <E97, f. 278ra>
seiunctus, suae
tantum plebis
communione
contentus sit et ille neque clericus neque praepositus perseveret.
XIIII
Item placuit, ut altaria,
quae passim per agros aut vias tamquam memoriae martyrum constituuntur,
in quibus nullum corpus aut reliquiae
martyrum conditae probantur, ab
episcopis, qui eisdem locis praesunt, si fieri potest, evertantur. Si
autem hoc propter
tumultus
populares non
sinitur, plebes tamen admoneantur,
ne
illa loca frequentent, ut,
qui recte sapiunt, nulla ibi superstitione devincti
teneantur. Et omnino nulla memoria martyrum probabiliter
acceptetur, nisi ubi
corpus aut aliquae reliquiae
sunt aut origo alicuius habitationis
vel
possessionis vel passionis fidelissima origine
traditur.
Nam quae
per somnia et
per inanes quasi revelationes quorumlibet hominum ubicumque
constituuntur altaria, omnimodo reprobentur.
XV
Item placuit ab imperatoribus gloriosissimis peti,
ut reliquiae
idolatriae non solum in simulacris, sed in quibuscumque locis vel lucis
vel
arboribus omnimodo deleantur.
Aurelius
episcopus ecclesiae Carthaginis
supra compraehensis in nostro concilio statutis subscripsi; similiter
LXXII episcopi subscripserunt.
O93, f. 53 va;
V630,
f. 106vb, W411, f. 56r; V1341, f. 37vb; E97, f. 278ra
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 11.1.2006
|