Die
Auflösung der Handschriftensiglen und Hinweise zur Edition
finden Sie hier.
1.
Konzil
von Arles
O93, f. 57vb; V630,
f. 114ra; W411, f. 68r; V1341, f. 43ra
DEHINC
SECUNTUR GALLIAE CONCILIA.
ARELATENSE PRIMUM.
TITULI
EIUSDEM CONCILII
I Ut uno die et
tempore pascha celebretur.
II Ut
ubi quisque ordinatur, ibi permaneat.
III Ut qui in pace arma proiciunt,
excommunicentur.
IIII Ut aurigae, dum agitant,
excommunicentur.
V Ut qui in
theatris conveniunt, excommunicentur.
VI
Ut in infirmitate conversi manus impositionem accipiant.
VII De praesidibus, ut cum
conscientia episcopi sui
communicent.
VIII Ut ex heresi conversi in trinitate
baptizentur.
VIIII Ut qui confessorum litteras
portant, alias accipiant.
X Ut cuius uxor
adulteraverit, ipse aliam non accipiat.
XI Ut
feminae fideles, quae gentibus se iunxerint, excommunicentur.
XII Ut clerici feneratores
excommunicentur.
XIII Ut proditores fratrum vel
vasorum seu
scripturarum cum verberibus
deponantur.
XIIII Ut falsi
accusatores fratrum usque
ad exitum excommunicentur.
XV Ut
levitae non offerant.
XVI Ut poenitentes, ubi
acceperint onerationem, ibi
communicent.
XVII Ut nullus episcopus alium
conculcet episcopum.
XVIII Ut diaconus nihil sine
presbytero suo agat.
XVIIII Ut presbyteri
sine conscientia
episcoporum suorum nihil faciant.
XX Ut peregrino
episcopo locus
sacrificandi detur.
<W411,
f. 68v> XXI Ut sine
tribus episcopis nullus episcopus ordinetur.
XXII Ut clericus
alibi transiens
excommunicetur.
XXIII Ut apostatae, qui tardius
revertuntur, nisi per
dignam poenitentiam non recipiantur.
INCIPIT SYNODUS HABITA
IN CIVITATE Arelato
apud Martianum episcopum
tem<V1341, f.
45rb>poribus Constantini imperatoris eo tempore, quo etiam
concilium
Nicenum habitum est
trecentorum decem et octo
episcoporum.
Domino
et sanctissimo
Silvestro episcopo coetus
episcoporum qui adunati fuerunt in oppido
Arelatense. Quae decrevimus communi consilio caritative significamus,
ut omnes sciant, quid in futurum
observare debeant.
I De
observatione paschae dominici, ut uno die et
tempore per omnem orbem
observetur et iuxta consuetudinem litteras ad omnes tu dirigas.
II De
his, qui in quibuscumque locis ordinati fuerint ministri, in ipsis
locis perseverent.
III De his, qui arma proiciunt in
pace, placuit abstinere eos a
communione.
IIII De agitatoribus, qui fideles
sunt, placuit eos,
quamdiu agitant, a communione separari.
V De
theatricis, et ipsos placuit, quamdiu agunt, a communione separari.
VI De
his, qui in infirmitate credere volunt, placuit debere
his manum imponi.
VII De praesidibus, qui fideles
ad praesidatum prosiliunt, ita
placuit, ut, cum
promoti fuerint, litteras accipiant ecclesiasticas communicatorias, ita tamen, ut in quibuscumque
locis gesserint
<O93, f. 58ra> ab episcopo eiusdem loci cura de illis agatur, ut, cum
coeperint cum disciplina publica agere,
tunc demum a communione
excluduntur, similiter et de his fiat, qui
rempublicam agere volunt.
VIII De Arrianis, qui propria
lege sua utuntur, ut
rebaptizentur, placuit. Si ad
ecclesiam aliquis de hac heresi venerit, interrogent
eos nostrae fidei
sacerdotes symbolum et, si perviderint eos in patre et
filio et in spiritu sancto
esse baptizatos, manus
ei tantum imponatur, ut accipiant
spiritum sanctum. Quod
si interrogati non responderint hanc trinitatem, baptizentur.
VIIII De his, qui confessorum
litteras afferunt, placuit, ut
sublatis eis litteris alias
accipiant
communicatorias.
X De
his, qui coniuges suas in adulterio depraehendunt,
et idem sunt adolescentes
fideles et prohibentur
nubere, placuit, ut, quantum potest, consilium eis
detur, ne viventibus uxoribus suis,
licet adulteris alias accipiant.
XI
<V1341, f.
45va> De puellis fidelibus, quae gentibus
iunguntur, placuit, ut aliquanto
tempore a communione
separentur.
XII De ministris, qui fenerant, placuit eos
iuxta formam divinitus
datam a communione abstinere.
XIII De his, qui scripturas
sanctas tradidisse dicuntur
vel <V630, f. 114va> vasa dominica vel nomina fratrum
suorum,
placuit nobis, ut quicumque eorum in actis publicis fuerit
<W411, f. 69r>
detectus, verbis nudis ab ordine cleri
amoveatur. Nam si idem
aliquos ordinasse fuerint depraehensi, et si his, quos
ordinaverunt, ratio subsistit, non
tamen illis subsistat ordinatio,
quoniam multi sunt, qui
contra ecclesiasticam regulam pugnare
videntur, et per testes
redemptos putant se ad accusationem
admitti debere, qui omnino non
admittantur, nisi, ut supra
diximus, actis
publicis docuerint omni se suspicione
carere.
XIIII De his qui falso accusant
fratres suos, placuit eos
usque ad exitum non communicare, sed falsum testem iuxta scripturam
impunitum non licere esse.
XV De
diaconibus, quos cognovimus multis locis
offerre, placuit minime
fieri debere.
XVI De his qui pro delicto suo a
communione separantur, ita placuit,
ut in quibuscumque locis
fuerant exclusi, eodem loco communionem consequantur.
XVII Ut nullus episcoporum alium
episcopum conculcet.
XVIII De diaconibus urbicis, ut
non aliquid per se ibi
praesumant, sed honor presbyteris reservetur.
XVIIII Et ut presbyteri sine
conscientia episcoporum nihil faciant.
XX Ut
peregrino episcopo locus sacrificandi detur.
XXI De his, qui
usurpant sibi, quod soli debeant episcopum
ordinare, placuit, ut nullus
hoc sibi praesumat, nisi assumptis sibi aliis septem episcopis. Si
tamen non potuerint septem, sine tribus
fratribus non audeat ordinare.
XXII De
presbyteris aut diaconibus, qui solent dimittere loca sua, in quibus
ordinati sunt, et ad alia loca se transtulerunt, placuit, ut his locis
ministrent, quibus praefixi sunt,
qui autem relictis
locis suis ad alium locum
se transferre voluerint, deponantur.
XXIII De his, qui
apostatant, et antequam se ad ecclesiam
repraesentant nec
quidem poenitentiam agere quaerunt, et postea in infirmitate
arrepti petunt
communionem, placuit eis non dandam communionem, nisi revelaverint et
egerint <V1341, f. 45vb> dignos fructus poenitentiae.
O93,
f. 58ra; V630, f.
114va;
W411, f. 69r; V1341, f. 45vb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 12.1.2006
|