Die
Auflösung der Handschriftensiglen und Hinweise zur Edition
finden Sie hier.
2.
Konzil
von Arles
O93, f. 58ra; V630,
f. 114va; W411, f. 69r; V1341, f. 45vb
INCIPIT CONCILIUM ARELATENSE SECUNDUM.
INCIPIUNT TITULI EIUSDEM
CONCILII
I
De neophitis clerici non ordinandis.
II
Qualiter coniugati ad sacerdotium
promoveantur.
III Ut nullus clericus
aut diaconus in solacio suo extraneam habeat mulierem.
IIII
Ut nullus clericus in cellario vel in secreto intromittat
puellam.
V
Ut episcopus, cum ordinatur, cum consensu metropolitani tres
eum ordinent episcopi.
<V630, f. 114vb>
VI De episcopo, qui sine conscientia metropolitani fuerit ordinatus.
VII De his, qui
seipsos abscidunt.
VIII De his, qui
excommunicatos alterius suscipiunt.
VIIII
Ut Novatiani in communionem non recipiantur.
X De
his, qui in persecutione praevaricati sunt.
<O93,
f. 58rb> XI De his, qui poenis victi sacrificare
compulsi sunt.
<W411,
f. 69v>
XII De his, qui in poenitentia positi vitam
excesserunt.
XIII Ut ne quis qualibet
necessitate suam relinquat
ecclesiam.
XIIII Ne clericus usuras accipiat.
XV Ne
diaconus coram presbytero sedeat vel eucharistiam tradat.
XVI Ut Fotini et Paulianistae
baptizentur.
XVII Ut heretici, qui in
trinitate baptizati sunt, cum
chrismate et manus
impositione recipiantur.
XVIII Ut
metropolitani arbitrio synodus congregetur.
XVIIII Ut nulli episcopo liceat a
synodo abesse vel ante peracta synodo discedere.
XX De
aurigis et theatricis fidelibus.
XXI Si post acceptam poenitentiam
quis nupserit.
XXII Ut poenitentia coniugatis ex
consensu detur.
XXIII De sacerdotibus qui
idolatriam non everterint.
XXIIII De accusatoribus fratrum.
XXV De apostatis, si non
revertuntur.
SYNODUS
HABITA ARELATO GESTA AB EPISCOPIS
DIVERSARUM PROVINCIARUM,
QUORUM NOMINA SUBTER TENENTUR INSERTA
Ex
Sicilia civitate Syracusanorum
Sixtus episcopus et
Florus diaconus, ex
provincia Campaniae
civitatis Capuensium Pronius episcopus, Agrippa et Tutus diaconi, ex provincia
Apulia civitatis Alpiensium
Pardus episcopus et Crescens diaconus, ex
provincia Dalmatia civitatis Aquilegiensium
Theodorus episcopus it
Agaton diaconus, ex urbe Roma, quos Silvester episcopus misit,
Claudianus et Abitus presbyteri, Eugenius et
Quiriacus diaconi, ex provincia
Italiae civitatis Mediolanensium
Erodes episcopus, et
Severus diaconus, ex
provincia Viennensi civitatis Massiliensium Oresius episcopus,
Nazareus lector ex
provincia Viennensium civitatis <V1341, f. 46ra> Arelas
Marinus
episcopus, Salamas presbyter, Nicetius Afer, Ursinus
et Petrus diacones, ex
provincia qua supra, civitatis Viennensium Verus
episcopus, Beclas exorcista, ex
provincia qua supra
civitatis Vasianae Dafnas episcopus,
Victor exorcista, ex
provincia qua supra
civitatis Arausicorum Faustinus presbyter, ex
Portunicensi Innocentius
diaconus, Agapius
exorcista, ex provincia Gallia civitatis
Remorum Imbethanius episcopus,
Prigenius diaconus, ex
civitate Rotomagensium Avidanus episcopus,
Nicetius diaconus, ex
civitate Augustodunensium Reticius
episcopus, Amandus presbyter,
Filomatius diaconus, ex
civitate Lugdunensium Betius
episcopus, Pitulinus exorcista, ex
civitate Agrippinensium Maternus
episcopus, <V630, f.
115ra> Macrinus diaconus, ex
provincia Aquitanica
civitatis Gabalum Genialis episcopus, ex
civitate Burdegalensium Orientalis
episcopus, Flavianus diaconus, ex
civitate Treverorum Agroetius episcopus,
Felix exorcista, ex
civitate Tolosa Mamertinus episcopus,
Leontius diaconus, ex
provincia Britannia civitatis Tuburriacensium
Eburius episcopus, ex
civitate Clunia Adelfius episcopus, ex civitate Romanorum Liberius
episcopus, Flonetius diaconus, ex
provincia Hispaniae
civitatis Emeritae Liberius
episcopus et Florentius diaconus, civitatis Beticae Sabinus
presbyter, civitate Ursolensium
Natalis presbyter et
Citerius diaconus, civitatis Terracone
Probatius presbyter,
Castorius diaconus, ex
civitate Caesaraugustanae Clementius
presbyter, Rufinus exorcista, ex
civitate Bastigentiensium Termasius presbyter et Victor diaconus, ex provincia
Maurita<W411, f.
70r>niae civitatis Caesariensium
Fortunatus episcopus,
Deuterius diaconus, ex
provincia Sardiniae civitatis Caralis Quintus
episcopus, Ammonius presbyter, ex
provincia Africae civitatis Cartaginis
Caecilianus episcopus et Sperantius
diaconus, ex civitate Onina
Lampadius episcopus, ex
civitate Uticea Victor
episcopus, ex civitate
Beneventina Anatasius episcopus, ex civitate Tuburbitana Faustus
episcopus, ex civitate
Cocofeltis Surgentius episcopus, ex civitate Numidia Victor
episcopus, ex civitate
Virensium Vitalis episcopus, ex portu urbis Romae Gregorius
episcopus, ex
Centumcellis Epitectus episcopus, ex
civitate Ostensi Leontius et
Marcharius presbyteri.
I Ordinari
ad diaconatus vel ad sacerdotii
officium neophitum non
debere.
II Assumi
aliquem ad sacerdotium non posse in coniugii vinculo constitutum, nisi
fuerit praemissa conversio.
III Si quis de clericis a
gradu diaconatus in solacio
suo mulierem praeter aviam, matrem, sororem, filiam, neptem vel conversam
secum uxorem habere
praesumpserit, a communione alienus habeatur. Pari quoque et
mulierem, si se separare
noluerit, poena percellat.
IIII Nullus
diaconus vel presbyter vel episcopus ad cellarii secretum intromittat
puellam vel ingenuam
vel ancillam.
V
<V1341, f. 46rb> Nullus episcopus sine
metropolitani permissu nec
episcopus metropolitanus sine tribus episcopis
comprovincialibus praesumat episcopum
ordinare, ita ut alii
comprovinciales epistolis admoneantur, ut
se suo responso
consensisse significent. Quod si inter partes aliqua fuerit
dubitatio, maiori numero
metropolitanus in electione consentiat.
VI Illud
autem ante omnia claret, quod eum, qui sine
conscientia metropolitani
constitutus fuerit episcopus iuxta magnam synodum esse episcopum non
debere.
VII Hi, qui se carnali
vitio repugnare
nescientes abscidunt, ad
clerum pervenire non posse.
VIII Si quis excommunicatum
alterius sive clericum
<V630, f. 115rb> sive saecularem recipere post
interdictum
praesumpserit, noverit se reum fraternitatis factum, causam in concilio
redditurum.
VIIII Novatianum in communionem recipi non
debere, nisi suscepta
poenitentiae incredulitatis praeteritum
damnet errorem.
X De
his, qui in persequutione praevaricati sunt, si voluntarie fidem
negaverunt, hoc de eis Nicena synodus statuit, ut quinque annis inter
caticuminos exeant, et duos
inter discommunicantes, ita ut communionem inter poenitentes non
praesumant. In potestate tamen vel arbitrio erit episcopi, ut si eos ex animo
errorem deflere et
agere poenitentiam viderit, si ad communionem
in propriam ecclesiam velit humanitate suscipere.
XI Si
qui vero dolore
victi et pondere
persecutionis negare et sacrificare
compulsi sunt, duobus
annis inter caticuminos et triennio inter
poenitentes habeantur a
communione suspensi.
XII De his, qui in poenitentia positi vitam <W411,
f. 70v>
excesserunt, placuit nullum communione vacuum debere dimitti, sed pro
eo, quod honoravit poenitentiam, oblatio illius recipiatur.
XIII Nullus cuiusque
ordinis clericus, non
diaconus, non presbyter, non episcopus
quacumque occasione faciente,
propriam relinquat
ecclesiam, sed omnimodis aut
excommunicetur aut redire cogatur.
Quod si aliquis commorationis tempore invito
episcopo suo in aliena ecclesia
habitans ab episcopo loci
clericus fuerit ordinatus, huiusmodi ordinatio irrita habeatur.
XIIII Si quis clericus pecuniam
dedit ad usuram aut
conductor alienae rei
voluerit esse aut turpis lucri gratia genus aliquod negotiationis exercuerit,
depositus a clero a
communione alienus fiat.
XV
<V1341, f. 46va> In secretario diaconos inter
presbyteros sedere non liceat,
vel corpus Christi praesente presbytero tradere non praesumant. Quod si
fecerint, ab officio
diaconatus abscedant.
XVI Fotinianos vero sive
Paulianistas secundum patrum
statuta baptizari oportet.
XVII Bononianos autem ex eodem errore
venientes, quos sicut Arrianos
baptizari in trinitate manifestum est, dum interrogati fidem nostram ex
toto corde confessi fuerint, cum chrismate et manus impositione in
ecclesia recipi sufficit.
XVIII Ad Arelatensis episcopi
arbitrium synodus est congreganda, ad
quam <O93, f. 58vb> urbem
ex omnibus mundi
<V630, f. 115va> partibus sub sancti Marini tempore
legimus
celebratum fuisse concilium atque conventum. Si quis commonitus
infirmitatis causa defuerit, personam vice sua dirigat.
XVIIII Si quis
autem adesse neglexerit aut coetum fratrum,
antequam concilium
dissolvatur, crediderit deserendum, alienatum se a
fratrum communione
cognoscat, nec eum recipi liceat nisi in sequenti synodo fuerit
absolutus.
XX De
agitatoribus sive theatricis, qui fideles
sunt, placuit eos,
quamdiu agunt, a communione separari.
XXI Poenitentes, quae defuncto
viro aliis nubere
praesumpserint vel suspecta vel interdicta familiaritate cum extraneo
vixerint, cum eodem ab
ecclesiae liminibus
arceantur. Haec etiam et de
viro in poenitentia posito
placuit observari.
XXII Poenitentiam coniugatis nonnisi ex
consensu dandam.
XXIII Si in alicuius presbyterio
infideles aut faculas accenderint aut
arbores fontesve vel saxa
venerantur, si hoc eruere neglexerit,
sacrilegii reum se esse
cognoscat. Dominus autem ordinator rei
ipsius, si admonitus
emendare noluerit, communione privetur.
XXIIII Eos qui falsa fratribus
capitalia obiecisse convicti
fuerint, placuit eos usque ad exitum non communicare, sicut magna
synodus ante constituit, nisi digna
satisfactione poenituerint.
XXV Hi, qui post
sanctam religionis professionem apostatant et
ad saeculum redeunt
<W411, f. 71r> et postmodum poenitentiae remedia non
requirunt, sine
poenitentia communionem penitus
non accipiant. Quos etiam iubemus ad clericatus officium non admitti,
et quicumque ille sit, <V1341,
f. 46vb> post
poenitentiam habitum saecularem non praesumat.
Quod si praesumpserit,
ab ecclesia alienus habeatur.
O93,
f. 58vb; V630, f.
115va; W411, f. 71r; V1341, f. 46vb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 12.1.2006
|