Die
Auflösung der Handschriftensiglen und Hinweise zur Edition
finden Sie hier.
Konzil
von Tarragona
O93, f. 66ra; V630,
f. 127ra; W411, f. 92v; V1341, f. 58va
CONCILII TERRACONENSIS DECEM EPISCOPORUM
HABITI ERA CLIIII.
INCIPIUNT TITULI
I Ut etiam ad proximas
sanguinis clerici cum testimonio vadant.
II
Ut clericis emendi vilius vel vendendi carius
non permittatur licentia.
III Ut clerici, si solidum
praestiterint, sine usura recipiant.
IIII Ut nullus episcopus
vel quis infra positus die
dominico causas iudicare praesumat.
V Ut qui in
metropolitana civitate episcopus
non ordinatur, post duos menses
se metropolitano praesentet.
VI Ut episcopus qui a metropolitano
commonitus ad synodum non venerit, excommunicetur.
VII Ut diocesani clerici septimanas
teneant et die sabbati omnes in unum conveniant.
VIII Ut annis singulis
episcopi diocesem visitent et non plus quam
tertiam partem de parrochiis
accipiant.
VIIII De clericis et
ostiariis, qui adulteris mulieribus
admiscentur, ut proiciantur.
X Ut nullus episcopus
pro iudiciis munera accipiat.
XI Ut monachus missus
alicubi ministerium clericatus agere non praesumat nec negotiator exsistat.
XII Ut si episcopus
intestatus obierit, inventarium de rebus eius clerici faciant, et nullus
exinde aliquid auferat.
XIII Ut episcopus
diocesianos presbyteros et
quosdam ex laicis convenire litteris ad synodum moneat.
In
nomine Christi habita synodus Terracona anno sexto Theoderici regis consulatu
Petri sub die octavo Idus Novembris.
Antiquorum patrum statuta de
his censuisse videntur, quae in
tempore aut ad illos relicta pervenerunt aut certe acta
testimonio proprio
comprobaverunt. Cuius rei et nos sequentes exemplum illa, quae non
fiunt, placuit observanda decernere, ut praeterita absque ambage
custodiantur et praesentia hac observatione sint
firma. Igitur, cum in unum pariter convenissemus in urbem
Terraconensem, quae est metropolitana observantissime fundata, titulos
subter annexos conscripsimus observandos.
I De his, quibus cura
properante proximitate habere permittitur, ut ea cautela
earum necessitates sustentent, <V1341, f.
58vb> ut pietatis beneficia, quae eis sunt necessaria, a longius praebeant. Ipsi vero pro
visendis eis, cum ingressi fuerint, clerici salutatione
recurrant nec inibi faciant mansionem.
Qui tamen, cum ad earum visitationem pergunt, testem solacii sui fide
et actione ante probatum adhibeant secum. Si
quis haec a nobis statuta contempserit, si clericus est,
loci sui dignitate privetur, si vero religiosus vel monachus, in
cella monasterii reclusus poenitentiae lamentis <V630, f.
127rb>
incumbat, ubi singulari afflictione panis et aquae
victum ex abbatis ordinatione percipiat.
II
<W411, f. 93r> Canonum statutis firmatum est, ut, quicumque in clero
esse voluerit, <O93, f. 66rb> emendi vilius vel vendendi carius studio non utantur. Certe si voluerit exercere, cohibeatur a clero.
III
Si quis clericus in necessitate solidum
praestiterit, hoc de vino vel
frumento accipiat, quod mercandi causa tempore statuto decretum
fuerit venundare. Ceterum si speciem
non habuerit necessariam, ipsum, quod dedit, sine
ullo augmento recipiat.
IIII
Ut nullus episcoporum
aut presbyterorum vel clericorum die dominico praepositum cuiuscumque
causae negotium audeant vindicare, nisi hoc tantum, ut deo statuta
sollemnia peragant. Ceteris vero diebus cohibentibus personis illa, quae iusta sunt, habeant
licentiam iudicandi excepto criminalia negotia.
V
Ut qui in metropolitana
civitate episcopus non ordinatur, post duos menses se metropolitano
praesentet. Si quis in
metropolitana civitate non fuerit
episcopus ordinatus, posteaquam suscepta benedictione per metropolitani
litteras honorem fuerit episcopi adeptus, id optimum
esse decrevimus, ut postmodum statuto tempore, id est impletis duobus
mensibus, se metropolitani sui praesentet aspectibus, ut ab
illo monitis ecclesiasticis instructus plenius, quid observare debeat,
recognoscat. Quod si forte haec implere neglexerit,
in synodo increpatus a fratribus corrigatur. Et si forte
infirmitate aliqua, ne hoc impleat, fuerit
impeditus, hoc suis litteris
metropolitano indicare procuret.
VI
Si quis episcoporum commonitus a
metropolitano ad synodum nulla gravi intercedente necessitate corporali
venire contempserit, sicut statuta patrum senserunt, usque ad futurum
concilium cunctorum episcoporum caritatis
communione privetur.
VII
<V1341, f. 59ra> De diocesanis ecclesiis vel clero
id placuit definiri, ut presbyteri vel diaconi, qui inibi constituti
sunt, cum clericis septimanas observent, id est, presbyter unam faciat hebdomadam,
qua expleta succedat ei
diaconus similiter, ea scilicet condicione
servata, ut omnis clerus
die sabbati ad vesperam sit paratus, quo facilius die
dominico sollemnitas cum omnium <W411, f. 93v> praesentia
celebretur ita tamen, ut omnibus diebus vesperas vel matutinos celebrent, quia desistente clero, quod est
pessimum, comperimus in basilicis nec luminaria ministrari. Si qui sane neglegentiae vitio haec implere
noluerint, <V630, f. 127va> noverint se secundum statuta
canonum
pro modo personarum
canonicae disciplinae subdendos.
VIII
Multorum causa experientia
magistrante reperimus nonnullas diocesanas esse ecclesias
distitutas. Ob quam rem hac constitutione
decrevimus, ut antiquae consuetudinis ordo
servetur et annuis vicibus ab episcopo dioceses visitentur et, si qua
forte basilica reperta fuerit destituta, ordinationi ipsius reparare
praecipiatur, quia tertia ex omnibus antiqua traditione,
ut accipiatur ab episcopis, novimus
statutum.
VIIII
Si quis lectorum
adulterae mulieris voluerit misceri
vel adhaerere consortio, aut relinquat adulteram aut a clero habeatur
extraneus. Simili
sententia ostiariorum
manebit scola.
X
Observandum quoque decrevimus,
ne quis sacerdotum vel clericorum more saecularium iudicum audeat accipere pro
impensis patrociniis munera, nisi forte in ecclesia oblata gratuita,
quae non favore muneris videantur
accepta, sed collatione devotionis illata. Quod si quaesita probatur accipere,
veluti exactor fenoris aut
usurarum possessor secundum statuta
patrum se noverit degradandum.
XI
Monachi a monasterio foras egredientes, ne
aliquod ministerium ecclesiasticum praesumant agere, prohibemus nisi forte cum
abbatis imperio. Similiter, ut nullus eorum, id est monachorum,
forensis negotii susceptor vel exsecutor exsistat nisi id,
quod monasterii exposcit utilitas, abbate sibi nihilominus imperante,
<O93, f. 66va> canonum ante omnia Gallicanorum de his
constitutione servata.
XII
Si , ubi defunctus
fuerit episcopus intestatus, post definitionem eius a presbyteris
et diaconibus de rebus
ipsius brevis fideliter
conscribatur a minimo <W411, f. 94r> usque ad maximum,
<V1341,
f. 59rb> id est de utensilibus vel omni supellectile ita tamen, ut, si
quis exinde vel praesumpsisse aliquid vel occulte fuerit
tulisse convictus, secundum furti
tenorem restituat universa.
XIII Epistolae tales per patres a metropolitano
sunt dirigendae, ut non solum a cathedralibus ecclesiae presbyteris,
verum etiam diocesanis ad
concilium trahant et aliquos de filiis
ecclesiae saecularibus secum adducere
debeant.
XIIII Iohannes in Christi
nomine episcopus Terraconensis civitatis constitutionibus a nobis conscriptis subscripsi. Paulus
in Christi nomine episcopus subscripsi. Ector episcopus subscripsi. Frotinianus subscripsi.
Agricius subscripsi. Orontius subscripsi. Vincentius subscripsi. Ursus
subscripsi. <V630, f. 127vb> Cinidius subscripsi. Nibridius subscripsi.
O93, f. 66va; V630, f.
127vb; W411, f. 94r; V1341, f. 59rb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 15.1.2006
|