Die
Auflösung der Handschriftensiglen und Hinweise zur Edition
finden Sie hier.
Konzil
von Gerona
O93,
f. 66va; V630, f. 127vb; W411, f. 94r; V1341, f. 59rb; E97, f. 300rb
INCIPIT
CONCILIUM
GERUNDENSE SEPTEM EPISCOPORUM HABITUM ERA DLV
TITULI
EIUSDEM
CONCILII INCIPIUNT
I Ut unaquaeque
provincia in officio ecclesiae unum ordinem teneat.
II Ut laetaniae post
pentecosten a
quinta feria usque in sabbatum celebrentur.
III De secundis laetaniis
faciendis
Kalendarum.
IIIII Ut pascha tantum et
pentecosten baptismum detur exceptis his, qui in languore consistunt.
V Ut unius diei infans, si in discrimine est, baptizetur.
<E97, f.
300va> VI Ut coniuncti ab
episcopo
usque ad subdiaconum non sine testimonio vivant.
VII Ut qui sine uxoribus ordinantur, extraneas
in domo non habeant.
VIII De laicis, qui viduam
aut dimissam
acceperit, ut in clero non admittantur.
VIIII De his, qui publice poenitentiam non
accipiunt, sed tantum
viaticum, ut in clero promoveantur.
X Ut omnibus diebus horis vespertinis et matutinis oratio dominica
dicatur.
IN NOMINE CHRISTI INCIPIT SYNODUS HABITA GERUNDA ANNO VII TEODERICI REGIS VI IDUS IUNIAS AGAPETO V. C. CONSULE.
I Ut institutio missarum sicut in metropolitana ecclesia agitur, ita in dei nomine in omni Tarraconense provincia tam ipsius missae ordo quam
psallendi vel
ministrandi consuetudo servetur.
II Ut expleta sollemnitate pentecostes in sequenti septimana a quinta feria usque in
sabbatum per hoc tri<V1341, f. 59ra>duum
abstinentia celebretur.
III Item secunda laetania facienda est Kal. Novembr. <W411, f. 94v> ea
tamen condicione
servata, ut, si isdem diebus dominica intercesserit, in alia hebdomada secundum
prioris
abstinentiae observantiam a quinta feria incipiatur et in sabbato vespere missa facta finiatur. Quibus
tamen diebus a carnibus et a vino decrevimus abstinendum.
IIIII De caticuminis baptizandis id statutum est, ut in paschae sollemnitate vel pentecosten ad baptizandum veniant, ceteris sollemnitatibus infirmi tantummodo debeant baptizari, quibus quocumque tempore convenit baptismum
non negari.
V De parvulis, qui materno utero editi sunt, placuit constitui,
ut si
infirmi, ut assolent, fuerint et lac maternum non appetunt, etiam eadem die,
qua nati
sunt, si oblati <V630, f. 128ra> fuerint, baptizentur.
VI De conversatione id statui placuit, ut a pontifice usque ad subdiaconum post suscepti honoris officium, si quis ex coniunctis fuerit ordinatus, ut semper testimonio alterius fratris utatur, cuius testimonio vita eius debeat clarior
apparere.
VII De his, qui sine uxoribus ordinantur et familias
domus habent, habito secum pro
vitae patre in
testimonium, non per quamcumque <E97, f. 300vb> feminei sexus
personam eius substantia gubernetur, sed aut per puerum aut per amicum suam domum debeat ordinare, nisi matrem in domo habuerit aut sororem, ut secundum priorum canonum statuta per earum
personas eius debeat contutari substantia.
VIII <O93, f.
66vb> Si quis de laicis post uxorem aliam cuiuscumque
condicionis
cognoverint
mulierem, in clero nullatenus admittatur.
VIIII Is vero, qui ex aegritudinis languore depressus poenitentiae benedictionem, quam viatico dicimus, per communionem acceperit et postmodum
reconvalescens
caput poenitentiae in ecclesia publice non subdiderit, si prohibitis vitiis non detinetur
obnoxius,
admittatur ad clerum.
X Id semper placuit observari, ut omnibus diebus post matutinos et vesperas oratio dominica a sacerdote proferatur.
Ioannes in Christi nomine episcopus subscripsi.
Frontianus
episcopus subscripsi. <W411, f. 95r> Paulus episcopus
subscripsi.
Agricius episcopus subscripsi. Cinidius episcopus subscripsi. Nibridius episcopus
subscripsi.
Orontius episcopus subscripsi.
O93, f. 66vb; V630, f.
128ra; W411, f. 95r;
V1341, f. 59va;
E97, f. 300vb
©
2004-2006
Karl-Georg Schon
Dieser Text ist urheberrechtlich geschützt. Er steht unter der
GNU Free Documentation License.
Demnach dürfen Sie ihn frei weiter verbreiten und bearbeiten,
vorausgesetzt Sie nennen den Namen des ursprünglichen Autors
und Sie geben auch anderen das Recht den von Ihnen bearbeiteten oder
verbreiteten Text unter den gleichen Bedingungen weiter zu verbreiten.
Im einzelnen finden Sie Bestimmungen der GNU Free Documentation License
unter dem Menüpunkt Lizenz.
Zuletzt
geändert am 15.1.2006
|